ബെംഗളൂരു (21.06.2020) :കോവിഡ് വ്യാപനത്തെ തുടർന്ന് ബിബിഎംപി പരിധിയിൽ പുതുതായി 33 കണ്ടെയിൻമെൻ്റ് സോണുകൾ കൂടി പ്രഖ്യാപിച്ചു. ജൂൺ 19 ന് 246 കണ്ടെയിൻമെൻ്റ് സോണുകളായിരുന്നു ഉണ്ടായിരുന്നത്. ഇത് ജൂൺ ഇരുപതിലേയ്ക്ക് എത്തുമ്പോൾ 279 ആയി ഉയർന്നു.
ഒരാൾക്ക് രോഗം സ്ഥിരീകരിച്ചാൽ അവിടെ കണ്ടെയിൻമെൻ്റ് സോണായി പ്രഖ്യാപിക്കുന്നത് 28 ദിവസത്തേക്കാണ്. ഈ സ്ഥലങ്ങളിൽ പുതിയ കേസുകൾ റിപ്പോർട്ട് ചെയ്യപ്പെട്ടിട്ടില്ലെങ്കിൽ ഇളവുകൾ ലഭിക്കും.1 കോവിഡ് പൊസിറ്റീവ് കേസുകൾ തുടർന്നും റിപ്പോർട്ട് ചെയ്യുന്നതിനാൽ ചില മേഖലകൾ ഇപ്പോഴും കണ്ടെയിൻമെൻ്റ് സോണുകളായി തുടരുകയാണ്. 319 നിയന്ത്രിത മേഖലകളായിരുന്നു നഗരത്തില്‍ ഇതു വരെ ഉണ്ടായിരിന്നത്. കോവിഡ് കേസുകളുടെ എണ്ണം കുറയുന്നതിനനുസരിച്ച് 40 സോണുകള്‍ ഒഴിവാക്കപ്പെട്ടു.
നിലവില്‍ ഏറ്റവും കൂടുതല്‍ കണ്ടെയിൻമെൻ്റ് സോണുകൾ ഉള്ളത് സൗത്ത് സോണിലെ വാർഡുകളിലാണ്. 81 മേഖലകള്‍ ആണ് ഇവിടെ കണ്ടെയിൻമെൻ്റ് സോണുകളായി പ്രഖ്യാപിച്ചത്. ലക്കസാന്ദ്ര, സിദ്ദാപുര, ഹൊസഹളളി, വിശ്വേശരപുരം, ഗലി ആഞ്ജനേയ ടെംപിൾ, ഹംപി നഗർ,ധർമ്മരായ സ്വാമി നഗര, സുധാമനഗർ, ഗുരുപ്പന പാളയ, ആഡു ഗോഡി, വിദ്യാപീഠ, ഹൊസക്കര ഹള്ളി, ഗുരപ്പന പാളയ, ഹനുമന്ത നഗര. ബിടിഎം ലേ ഔട്ട് എന്നി സ്ഥലങ്ങള്‍ ഉള്‍പെടുന്നത് സൗത്ത് സോണിലാണ്.
മല്ലേശ്വരം, ജഗ്ജീവൻ റാം നഗർ, .മരപ്പന പാളയ, അഗ്രഹാര ദാസ റഹള്ളി, കാഡുഗോഡി, ചൽരാധി പാളയ, സുബാഷ് നഗർ.സുബ്രഹ്മണ്യനഗർ, 9 റായ് പുരം, ആസാദ് നഗർ, നായന്ദനഹള്ളി,പദരായനപുര, നാഗവാര, ചാംരാജ് പേട്ട് ചല്‍വാധിപാളയ, രാജ് മഹൽ ഗുട്ടഹള്ളി, ശ്രീരാം മന്ദിർ, ഗാന്ധി നഗർ, മഹാലക്ഷ്മി ലേഔട്ട്, ചിക്കപേട്ട് എന്നി സ്ഥലങ്ങള്‍ ഉള്‍പെടുന്ന വെസ്റ്റ് സോണിലെ വാർഡുകളിൽ 40 കണ്ടെയിൻമെൻ്റ് സോണുകളും, അഗരം, ജയമഹൽ, എസ്. കെ. ഗാർഡൻ, മുനീശ്വരനഗർ, കാവല്‍ ബൈര സാന്ദ്ര,ന്യൂ തിപ്പസാന്ദ്ര, ഗംഗാ നഗര്‍, സംപങ്ങി രാം നഗര്‍, കുശാല്‍ നഗര്‍, കമ്മനഹള്ളി,വസന്ത നഗര്‍ എന്നി സ്ഥലങ്ങള്‍ ഉള്‍പെടുന്ന ഈസ്റ്റ് സോണിലെ വാർഡുകളിൽ 46 കണ്ടെയിൻമെൻ്റ് സോണുകളും, മങ്കമ്മന പാളയ,ബൊമ്മനഹള്ളി, പുട്ടനഹള്ളി,അരക്കരെ, എച്ച്.എസ്ആർ ലേ ഔട്ട്, സിങ്ങസാന്ദ്ര,യെൽച്ചന ഹള്ളി, എച്ച് ബിആർ ലേ ഔട്ട്, കൊനനകുണ്ടെ, ഹൊങ്ങസാന്ദ്ര, സിങ്ങസാന്ദ്ര, കൊനന കുണ്ടെ, വസന്തപുര, അരക്കരെ എന്നി സ്ഥലങ്ങള്‍ ഉള്‍പെടുന്ന ബൊമ്മനഹള്ളി സോണിലെ വാർഡുകളിൽ 40 കണ്ടെയിൻമെൻ്റ് സോണുകളും, ഹഗദൂരു ,വരത്തൂർ, രാമമൂർത്തി നഗർ, ഹൂഡി, ഹൊറമാവു മാർത്തഹള്ളി ഡൊംലൂർ, ബെലന്തൂര്, ബസവനപുര, ദേവ സാന്ദ്ര എന്നീ സ്ഥലങ്ങള്‍ ഉള്‍പെടുന്ന മഹാദേവപുര സോണിലെ വാർഡുകളിൽ 34 കണ്ടെയിൻമെൻ്റ് സോണുകളും, ജ്ഞാന ഭാരതി നഗർ, കൊട്ടിഗെപാളയ എന്നിവ ഉള്‍പെടുന്ന ആർ ആർ നഗർ സോണിലെ വാർഡുകളിൽ 12 കണ്ടെയിൻമെൻ്റ് സോണുകളും, ചൊക്കസാന്ദ്ര, ബാഗൽകുണ്ടെ, ഷെട്ടിഹള്ളി എന്നിവ ഉള്‍പെടുന്ന ദാസറഹള്ളി സോണിലെ വാർഡുകളിൽ 9 കണ്ടെയിൻമെൻ്റ് സോണുകളും, യെലഹങ്ക ന്യൂ ടൗൺ, ദൊഡ്ഡ ബൊമ്മ സാന്ദ്ര, തനിസാന്ദ്ര, കെംപഗൗഡ, വിദ്യാരണ്യപുര എന്നിവ ഉള്‍പെടുന്ന യെലഹങ്ക സോണിലെ വാർഡുകളിൽ 17 കണ്ടെയിൻമെൻ്റ് സോണുകളും അടക്കം 279 എണ്ണമാണ് നിലവിൽ ഉള്ളത്.
ഇതു വരെ ബെംഗളൂരു നഗരത്തില്‍ രോഗം സ്ഥിരീകരിക്കപ്പെട്ടത് 1083 പേര്‍ക്കാണ്. ഇതില്‍ 378 പേര്‍ക്ക് രോഗം ഭേദമയി. 643 പേരാണ് ചികിത്സയിലുള്ളത്. 62 പേര്‍ കോവിഡ് ബാധിച്ചു മരണപ്പെട്ടു.
വാര്‍ഡുകള്‍ തിരിച്ചുള്ള കണ്ടെയിൻമെൻ്റ് മേഖലകളുടെ വിവരങ്ങള്‍ ഉള്‍ക്കൊള്ളിച്ചായിരുന്നു ബിബിഎംപി കോവിഡ് വാര്‍ റൂം ബുള്ളറ്റിന്‍ നേരത്തെ പുറത്ത് ഇറക്കിയിരുന്നത്. എന്നാല്‍ കണ്ടെയിൻമെൻ്റ് സോണുകളുടെ എണ്ണം വര്‍ധിക്കുന്നതിനാല്‍ വാര്‍ഡുകളുടെ വിവരം ഒഴിവാക്കി സോണുകള്‍ക്കകത്തെ എണ്ണമാണ് കഴിഞ്ഞ ദിവസങ്ങളില്‍ ബിബിഎംപി കോവിഡ് വാര്‍ റൂം പുറത്ത് വിട്ടത്.
ജൂൺ ഇരുപതാം തീയതി ബിബിഎംപി കോവിഡ് വാർ റൂം പുറത്തിറക്കിയ ബുള്ളറ്റിന്‍ പ്രകാരമുള്ള പുതുക്കിയ കണ്ടെയിൻമെൻ്റ് സോണുകളുടെ മാപും മറ്റു വിവരങ്ങളും താഴെ കൊടുക്കുന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
