ബെംഗളൂരു മയക്കുമരുന്ന് കേസ്; ബിനീഷ് കോടിയേരി ചോദ്യം ചെയ്യലിന് ഹാജരാകണമെന്ന് എന്ഫോഴ്സ്മെന്റ് ഡയറക്ടറേറ്റ്
ബെംഗളൂരു : ബെംഗളൂരു മയക്കുമരുന്ന് കേസില് ചോദ്യം ചെയ്യലിന് ഹാജരാകാന് ബിനീഷ് കോടിയേരിക്ക് എന്ഫോഴ്സ്മെന്റ് ഡയറക്ടറേറ്റ് നോട്ടീസ് അയച്ചു. ഒക്ടോബര് ആറാം തീയതി ചൊവ്വാഴ്ച ശാന്തിനഗറിലെ ഇഡി ഓഫീസില് ഹാജരാകാനാണ് നിര്ദേശം.
ബെംഗളൂരു ലഹരിമരുന്ന് കേസില് എന്സിബി അറസ്റ്റ് ചെയ്ത എറണാകുളം സ്വദേശി അനൂപ് മുഹമ്മദിന്റെ മൊഴിയുടെ അടിസ്ഥാനത്തിലാണ് ബിനീഷിനെ ചോദ്യം ചെയ്യുന്നത്. അനൂപ് മുഹമ്മദ് അടക്കമുള്ളവരുടെ ഹോട്ടല് ബിസിനസില് ബിനീഷ് വന് തുക നിക്ഷേപിച്ച കാര്യം നേരത്തെ അനൂപ് മൊഴി നല്കിയിരുന്നു. ഇക്കാര്യം ബിനീഷ് സ്ഥിരീകരിച്ചെങ്കിലും അനൂപിന്റെ മയക്കുമരുന്ന് ഇടപാടുകളെ കുറിച്ച് തനിക്കറിയില്ലെന്നാണ് പറഞ്ഞിരുന്നത്. ഇതില് വ്യക്തത തേടി കഴിഞ്ഞ ആഴ്ച പരപ്പന അഗ്രഹാര ജയിലില് എത്തി ഇ ഡി ഉദ്യോഗസ്ഥര് അനൂപിനെ ചോദ്യം ചെയ്തിരുന്നു. ഇതിന് പിന്നാലെയാണ് ബിനീഷിനോട് ചോദ്യം ചെയ്യലിന് ഹാജരാകാന് ഇഡി ആവശ്യപ്പെട്ടിരിക്കുന്നത്.
തിരുവനന്തപുരം വിമാനത്താവളത്തിലെ സ്വര്ണക്കടത്ത് കേസുമായി ബന്ധപ്പെട്ട് കഴിഞ്ഞ മാസം ഒമ്പതിന് ബിനീഷിനെ കൊച്ചിയിലെ ഇഡി ഓഫീസില് വെച്ച് ചോദ്യം ചെയ്തിരുന്നു. ലഹരി മരുന്നു കേസിലെ പ്രതികളുമായിട്ടുള്ള ബന്ധം ഉള്പ്പെടെയുള്ള വിവരങ്ങള് ഇഡി ചോദിച്ചറിഞ്ഞിരുന്നു. ബിനീഷിന് നാലു ജില്ലകളില് വെളിപ്പെടുത്താത്ത സ്വത്തുണ്ടെന്ന് കണ്ടെത്തിയ ഇഡി ബിനീഷിന്റെ സ്വത്തുവകകള് കൈമാറ്റം ചെയ്യുന്നത് മരവിപ്പിക്കാന് രജിസ്ട്രേഷന് വകുപ്പിന് നിര്ദ്ദേശം നല്കിയിരുന്നുന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.