അണ്ലോക്ക് 5: സ്കൂളുകള് തുറക്കുന്നത് സംബന്ധിച്ച മാര്ഗനിര്ദേശങ്ങള് പുറത്തിറക്കി, വീട്ടിലിരുന്ന് പഠിക്കാൻ ആഗ്രഹിക്കുന്നവർക്ക് അനുമതി
ന്യൂഡല്ഹി: അണ്ലോക്ക് 5 ന്റെ ഭാഗമായി സ്കൂളുകള് തുറക്കുന്നത് സംബന്ധിച്ച മാര്ഗനിര്ദേശങ്ങള് കേന്ദ്ര വിദ്യാഭ്യാസ മന്ത്രാലയം പുറത്തിറക്കി. നേരത്തെ ഒക്ടോബര് 15 മുതല് രാജ്യത്തെ വിദ്യാഭ്യാസ സ്ഥാപനങ്ങള് തുറക്കാന് അനുമതി നല്കിയിരുന്നു. ഇതിനു പിന്നാലെയാണ് പുതിയ മാര്ഗനിര്ദേശങ്ങള് പുറത്തിറക്കിയത്.
സ്കൂളുകള് തുറക്കുന്നത് സംബന്ധിച്ച് സംസ്ഥാനങ്ങളുടേതാണ് അന്തിമതീരുമാനം. ഓരോ സംസ്ഥാനങ്ങളും കേന്ദ്രഭരണ പ്രദേശങ്ങളും അതത് ഇടങ്ങളിലെ സാഹചര്യത്തിന് അനുസരിച്ച് എസ്ഒപി പുറത്തിറക്കണമെന്ന് മാര്ഗനിര്ദേശങ്ങളില് പറയുന്നു. വീട്ടിലിരുന്ന് പഠിക്കാന് ആഗ്രഹിക്കുന്ന വിദ്യാര്ഥികള്ക്ക് അനുമതി നല്കണം. സ്കൂളുകള് തുറന്നാലും രണ്ടോ മൂന്നോ ആഴ്ചത്തേക്ക് വിദ്യാര്ഥികളുടെ യാതൊരു തരത്തിലുള്ള മൂല്യനിര്ണയവും നടത്തരുതെന്ന് കേന്ദ്ര വിദ്യാഭ്യാസ മന്ത്രാലയം വ്യക്തമാക്കിയിട്ടുണ്ട്.
എല്ലാ സ്കൂളുകളിലും ശുചിത്വം ഉറപ്പാക്കാന് കര്മസേനകള് ഉണ്ടാവണം. സ്കൂള് കാമ്പസ് മുഴുവന് ശുചീകരിക്കുകയും അണുനശീകരണം നടത്തുകയും വേണം. ക്ലാസ് മുറികളില് വായു സഞ്ചാരം ഉറപ്പാക്കണം. വിദ്യാര്ഥികള് സ്കൂളിലേക്ക് വരുമ്പോഴും തിരിച്ചു പോകുമ്പോഴും ക്ലാസില് ഇരിക്കുമ്പോഴും സാമൂഹ്യ അകലം ഉറപ്പാക്കണം. വിദ്യാര്ത്ഥികള്ക്കു പുറമേ അധ്യാപകരും ജീവനക്കാരും മാസ്ക് ധരിക്കണം. അക്കാദമിക് കലണ്ടറില് ആവശ്യമായ മാറ്റങ്ങള് വരുത്തണം. കണ്ടെയ്ന്മെന്റ് സോണിലുള്ള വിദ്യാര്ഥികള് സ്കൂളില് വരേണ്ടതില്ല. സ്കൂളുകളില് പൊതുച്ചടങ്ങുകളോ പരിപാടികളോ സംഘടിപ്പിക്കരുത്. ഡോക്ടറുടെയും നഴ്സിന്റെയും സേവനം ലഭ്യമാകുമെന്ന് ഉറപ്പാക്കണം. ഹാജര് കര്ശനമാക്കരുത്. രോഗബാധിതരായ വിദ്യാര്ത്ഥികളെയും അധ്യാപകരെയും വീട്ടില് ഇരിക്കാന് പ്രോത്സാഹിപ്പിക്കണം. വീടില്ലാത്ത, ഇതര സംസ്ഥാനങ്ങളില് നിന്നോ രാജ്യങ്ങളില് നിന്നോ വന്ന വിദ്യാര്ത്ഥികള്, ശാരീരികമായി അവശത അനുഭവിക്കുന്നവര്, കോവിഡ് ബാധ സ്ഥിരീകരിച്ചവര് എന്നിവരുടെ കാര്യം പ്രാധാന്യത്തോടെ പരിഗണിക്കണം.
വിദ്യാര്ഥികള്ക്കും ജീവനക്കാര്ക്കും അസുഖ അവധി ആവശ്യമെങ്കില് അനുവദിക്കണം. രക്ഷിതാക്കളുടെ അനുമതി പത്രവുമായി മാത്രമെ വിദ്യാര്ഥികള് സ്കൂളിലെത്താവൂ. സ്കൂളില് വരണമോ ഓണ്ലൈന് ക്ലാസ് തുടരണോ എന്നകാര്യം തീരുമാനിക്കാന് വിദ്യാര്ഥികള്ക്ക് സ്വാതന്ത്ര്യം നല്കണമെന്നും കേന്ദ്രം വ്യക്തമാക്കിയിട്ടുണ്ട്.
Here are the highlights:
As per para -1 of @HMOIndia's order no. 40-3/2020-DM-I(A) dated 30.09.2020 for reopening, States/UT Governments may take a decision in respect of reopening of schools and coaching institutions after 15th Oct in a graded manner. #SchoolGuidelines pic.twitter.com/JLfJ97qJsF
— Dr. Ramesh Pokhriyal Nishank (@DrRPNishank) October 5, 2020
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.