കര്ഷകര് നടത്തിയ ട്രാക്ടര് റാലിയുമായി ബന്ധപ്പെട്ട് സോഷ്യല് മീഡിയയില് പോസ്റ്റ്; ശശി തരൂര്, രാജ്ദീപ് സര്ദേശായി, വിനോദ് കെ ജോസ് അടക്കം 8 പേര്ക്കെതിരെ രാജ്യദ്രോഹകുറ്റം
ന്യുദല്ഹി: കാര്ഷിക നിയമങ്ങള്ക്കെതിരെ പ്രതിഷേധിച്ച് കര്ഷകര് നടത്തിയ ട്രാക്ടര് റാലിയുമായി ബന്ധപ്പെട്ട് സോഷ്യല് മീഡിയയില് പോസ്റ്റുകള് പങ്കുവെച്ചതിന് ശശി തരൂര് എം.പി, മാധ്യമ പ്രവര്ത്തകരായ രാജ്ദീപ് സര്ദേശായി, കാരവാന് മാഗസിന് എഡിറ്റര് വിനോദ് കെ ജോസ് തുടങ്ങി എട്ട് പേര്ക്കെതിരെ രാജ്യദ്രോഹകുറ്റം ചുമത്തി കേസ്.
നാഷനല് ഹെറാള്ഡ് ഗ്രൂപ്പ് എഡിറ്റര് ഇന് ചീഫ് സഫര് ആഗ, കാരവന് എഡിറ്റര് അനന്ത് നാഥ് എന്നിവരെയും കേസില് പ്രതികളാക്കിയിട്ടുണ്ട്.153 (എ), 153 ( ബി ) വകുപ്പുകളും, 124(എ), 120 വകുപ്പുകളാണ് ഇവര്ക്കെതിരെ ചുമത്തിയിട്ടുള്ളത്. രാജ്യദ്രോഹം, ക്രിമിനല് ഗൂഡാലോചന, മതസ്പര്ദ്ധ വളര്ത്തല് എന്നീ വകുപ്പുകളാണിത്. കാരവാന് മാഗസിന്റെ റിപോര്ടര്മാര്ക്കെതിരെയും കേസ് എടുത്തിട്ടുണ്ട്. എട്ട് പേര്ക്കെതിരേയും നോയിഡ പൊലീസാണ് കേസ് രജിസ്റ്റര് ചെയ്തിരിക്കുന്നത്. കേസ് നിയമപരമായി നേരിടുമെന്നും അഭിഭാഷകര് ഇതിനായുള്ള നടപടികള് തുടങ്ങിയെന്നും കാരവാന് എഡിറ്റര് വിനോദ് കെ ജോസ് വ്യക്തമാക്കി.റിപബ്ലിക് ദിനത്തില് നടന്ന സംഘര്ഷത്തിന്റെ പേരില് പൊലീസ് ഇതുവരെ 25 എഫ് ഐ ആറുകള് എടുക്കുകയും 37 കര്ഷക നേതാക്കളെ പ്രതി ചേര്ക്കുകയും ചെയ്തിട്ടുണ്ട്. ചെങ്കോട്ടയിലെ അക്രമവുമായി ബന്ധപ്പെട്ട് രജിസ്റ്റര് ചെയ്ത എഫ് ഐ ആറില് പഞ്ചാബി നടന് ദീപ് സിദ്ദുവിന്റെയും ഗുണ്ടാസംഘം നേതാവ് ലക്കാ സാധന്റെയും പേരുകള് ഉള്പ്പെടുത്തിയിട്ടുണ്ട്.ട്രാക്ടര് റാലിക്കിടെ ഒരു കൂട്ടം ആളുകള് ചെങ്കോട്ടയിലെത്തി സിഖ് മത പതാക ഉയര്ത്തുകയായിരുന്നു. കര്ഷകരാണ് പതാക ഉയര്ത്തിയതെന്ന് വരുത്തി തീര്ക്കാന് പൊലീസും കേന്ദ്രവും ശ്രമം നടത്തുകയും ചെയ്തു.
ചെങ്കോട്ടയ്ക്കുള്ളില് കയറിയ പ്രതിഷേധക്കാര് സിഖ് മത പതാക കൊടിമരത്തില് ഉയര്ത്തിയെന്നാണ് കേന്ദ്രം പറയുന്നത്. എന്നാല് കര്ഷകര് ആരും അത്തരത്തിലുള്ള പ്രവൃത്തി നടത്തിയിട്ടില്ലെന്ന് കര്ഷക സംഘടനകള് വ്യക്തമാക്കിയതാണ്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.