ബെംഗളൂരു: കോട്ടക്കല്‍ ആര്യവൈദ്യശാലയും ബാംഗ്ലൂര്‍ കേരള സമാജവും സംയുക്തമായി കോവിഡാനന്തര ചികിത്സയും കര്‍ക്കടക മാസ പരിപാലനവും ആയുര്‍വേദത്തില്‍ എന്ന വിഷയത്തില്‍ വെബിനാര്‍ സംഘടിപ്പിച്ചു. സൂം പ്ലാറ്റ്ഫോമിലായിരുന്നു പരിപാടി.
ബാംഗ്ലൂര്‍ കേരള സമാജം അധ്യക്ഷന്‍ സി.പി. രാധാകൃഷ്ണന്‍ അധ്യക്ഷത വഹിച്ചു. അഡീഷണല്‍ കസ്റ്റംസ് കമീഷണര്‍ ഗോപകുമാര്‍ ഐ.ആര്‍.എസ് വെബിനാർ ഉദ്ഘാടനം ചെയ്തു. കോട്ടക്കൽ ആര്യവൈദ്യശാല മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ. പി. എം. വാരിയർ ആമുഖ പ്രഭാഷണം നടത്തി.
കോവിഡാനന്തര മുന്‍കരുതലുകള്‍ ആയുര്‍വേദത്തില്‍ എന്ന വിഷയത്തില്‍ കോട്ടക്കല്‍ ആര്യവൈദ്യശാലയിലെ ഡെപ്യൂട്ടി ചീഫ് ഫിസിഷ്യന്‍ ഡോ. കെ.വി. രാജഗോപാലനും കര്‍ക്കടകമാസ ചികിത്സ എന്ന വിഷയത്തില്‍ എറണാകുളം ആര്യവൈദ്യശാലയിലെ ചീഫ് മെഡിക്കല്‍ ഓഫീസര്‍ ഡോ. ടി. എം.യു. വാര്യറും സംസാരിച്ചു. കോവിഡാനന്തര ആയുര്‍വേദ ചികിത്സയുടെ പ്രാധാന്യത്തെ കുറിച്ചും വിവിധ കർക്കടക ചികിത്സാവിധികളെ കുറിച്ചും ഇരുവരും വിശദീകരിച്ചു.
കോട്ടക്കല്‍ ആര്യ വൈദ്യശാല അഡീഷണല്‍ ചീഫ് ഫിസിഷ്യന്‍ ഡോ. കെ. മുരളീധരന്‍ മോഡറേറ്ററായിരുന്നു. ബാംഗ്ലൂര്‍ കേരളസമാജം ജനറല്‍ സെക്രട്ടറി റജികുമാര്‍, കെ.എൻ.ഇ ട്രസ്റ്റ് പ്രസിഡണ്ട് ജേക്കബ് വർഗീസ്, മുൻ ട്രഷറർ ജോർജ്ജ് തോമസ് എന്നിവര്‍ സംസാരിച്ചു. കോട്ടക്കല്‍ ആര്യവൈദ്യശാല ജയനഗർ ശാഖാ മാനേജരും ചീഫ് മെഡിക്കൽ ഓഫീസറുമായ ഡോ. സുജിത്ത് എസ്. വാരിയർ, ഡെപ്യൂട്ടി ഫിസിഷ്യൻ ഡോ. സി. ചിത്ര, അസിസ്റ്റന്റ് മാനേജർ അഡ്മിൻ പ്രവീൺ വി.നായർ എന്നിവർ പരിപാടിക്ക് നേതൃത്വം നല്കി.
കര്‍ക്കടക ചികിത്സക്കും മറ്റ് ചികിത്സകൾക്കുമായി ബന്ധപ്പെട്ട അന്വേഷണങ്ങള്‍ക്കും താഴെപ്പറയുന്ന നമ്പറുകളില്‍ വിളിക്കാവുന്നതാണ്:
ഫോൺ: 080 26572955,56,57,
വാട്‌സ്ആപ്പ്: 9916176000,
ഇ-മെയില്‍ : avsbangalore@gmail.com
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
