ജര്മനിയില് നഴ്സ്: നോര്ക്ക റൂട്ട്സ് അപേക്ഷ ക്ഷണിച്ചു
ബെംഗളൂരു: ജർമനിയിൽ നഴ്സിങ് ജോലിയിലേക്ക് നോർക്കാ റൂട്ട്സ് വഴി അപേക്ഷിക്കാം. നോര്ക്കാറൂട്ട്സും ജര്മന് ഫെഡറല് എംപ്ലോയ്മെൻറ് ഏജന്സിയുമായി ഒപ്പുവച്ച ട്രിപ്പിള് വിന് പദ്ധതി പ്രകാരമാണ് റിക്രൂട്ട്മെൻറ്. നഴ്സിംഗില് ബിരുദം അല്ലെങ്കിൽ ഡിപ്ലോമയും ഒപ്പം കുറഞ്ഞത് ഒരു വര്ഷത്തെ പ്രവര്ത്തിപരിചയവുമുള്ളവർക്ക് അപേക്ഷിക്കാം. www.norkaroots.org എന്ന വെബ്സൈറ്റ് വഴി ഓണ്ലൈനായി അപേക്ഷ സമര്പ്പിക്കാവുന്നതാണെന്ന് നോര്ക്കാ റൂട്സ് ചീഫ് എക്സിക്യൂട്ടീവ് ഓഫീസര് അറിയിച്ചു. അവസാന തീയതി 2022 മാര്ച്ച് 10. 45 വയസ്സ് കവിയാത്ത സ്ത്രീകള്ക്കും പുരുഷന്മാര്ക്കും അപേക്ഷിക്കാം. ഭാഷാ പരീശീലനവും റിക്രൂട്ട്മെൻറും സൗജന്യമാണ്.
നിലവില് ജോലി ചെയ്യുന്ന മൂന്ന് വര്ഷം പ്രവര്ത്തി പരിചയമുള്ളവര്, ജര്മന് ഭാഷാ പ്രാവീണ്യമുള്ളവര്, ഹോം കെയര് / നഴ്സിംഗ് ഹോം പ്രവര്ത്തി പരിചയമുള്ളവര്, തീവ്ര പരിചരണം / ജറിയാട്രിക്സ് / കാര്ഡിയോളജി / ജനറല് വാര്ഡ്/ സര്ജിക്കല് – മെഡിക്കല് വാര്ഡ് / നിയോനാറ്റോളജി / ന്യൂറോളജി / ഓര്ത്തോപീഡിക്സും അനുബന്ധ മേഖലകളും / ഓപ്പറേഷന് തീയറ്റര് / സൈക്യാട്രി എന്നീ മേഖലയില് പ്രവര്ത്തി പരിചയമുള്ളവര് എന്നിവര്ക്ക് മുന്ഗണന.
തെരഞ്ഞെടുക്കപ്പെടുന്നവര്ക്ക് നാട്ടില് തന്നെ ജര്മന് ഭാഷയില് എ1/ എ2 / ബി1 ലെവല് പരിശീലനം നല്കും. എ2 ലെവലും ബി1 ലെവലും ആദ്യ ശ്രമത്തില് വിജയിക്കുന്നവര്ക്ക് 250 യൂറോ വീതം ബോണസ്സും ലഭിക്കും. ശേഷം ജര്മ്മനിയിലെ ആരോഗ്യമേഖലയില് നഴ്സിങ് അസിസ്റ്റന്റായി ജോലിയില് പ്രവേശിക്കാം.
ജര്മനിയില് എത്തിയ ശേഷം തൊഴില്ദാതാവിന്റെ സഹായത്തോടെ ജര്മന് ഭാഷയില് ബി2 ലെവല് പരിശീലനത്തിന് അവസരം ലഭിക്കും. ബി 2 ലെവല് വിജയിച്ച്് അംഗീകാരം ലഭിക്കുന്ന മുറയ്ക്ക് രജിസ്റ്റേഡ് നഴ്സായി നിയമനം ലഭിക്കും.
രജിസ്റ്റേഡ് നഴ്സായി അംഗീകാരം ലഭിക്കുന്നത് വരെ ഏകദേശം 2300 യൂറോയും പിന്നീട് ഓവര്ടൈം അലവന്സുകള്ക്ക് പുറമെ 2800 യൂറോയുമാണ് ശമ്പളം. ഈ പദ്ധതിയിലേക്ക് മുമ്പ് അപേക്ഷിച്ചിട്ടുള്ളവര് വീണ്ടും അപേക്ഷിക്കേണ്ടതില്ല. കൂടുതല് വിവരങ്ങള്ക്ക് 1800-425-3939 ടോള്ഫ്രീ നമ്പരില് ബന്ധപ്പെടാവുന്നതാണ്. ഇമെയില്: triplewin.norka@kerala.gov.in.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.