കെജിഎഫ് 2: ഒടിടി റൈറ്റ്സ് ആമസോൺ സ്വന്തമാക്കിയത് റെക്കോർഡ് തുകയ്ക്ക്
യാഷ് നായകനായ പുതിയ ചിത്രം ‘കെജിഎഫ്: ചാപ്റ്റര് രണ്ട്’ ജൈത്രയാത്ര തുടരുകയാണ്. കോടികള് മുടക്കി പുറത്തിറക്കിയ വമ്പൻ സിനിമകളെയും പിന്നിലാക്കി ‘കെജിഎഫ് 2’ പ്രദര്ശനം തുടരുന്നു. 1000 കോടി രൂപയുടെ കളക്ഷന് സ്വന്തമാക്കി റെക്കോര്ഡിട്ടിരുന്നു ‘കെജിഎഫ് 2’. ഇപ്പോഴിതാ ഒടിടി റൈറ്റ്സിലും ചിത്രത്തിന് മികച്ച തുകയാണ് ലഭിച്ചിരിക്കുന്നതെന്നാണ് റിപ്പോര്ട്ട്. ആമസോണ് പ്രൈം വീഡിയോ ചിത്രത്തിന്റെ ഒടിടി റൈറ്റ്സ് 320 കോടി രൂപയ്ക്കാണ് വാങ്ങിയത് എന്നാണ് റിപ്പോര്ട്ട്. ആമസോണ് പ്രൈം വീഡിയോയില് ചിത്രം വൈകാതെ സ്ട്രീമിംഗ് തുടങ്ങും.
15 ദിവസങ്ങള് കൊണ്ട് ചിത്രം 1000 കോടിയിലധികം രൂപ കളക്റ്റ് ചെയ്തു. ഇതോടെ ഇന്ത്യന് ബോക്സോഫീസില് ഏറ്റവും അധികം രൂപ നേടിയ സിനിമകളുടെ പട്ടികയില് നാലാം സ്ഥാനത്തെത്തിയിരിക്കുകയാണ് കെജിഎഫ്. 1000 കോടി ക്ലബില് ഇടം നേടുന്ന നാലാമത്തെ ചിത്രം കൂടെയാണ് കെജിഎഫ് ചാപ്റ്റര് 2. രാജമൗലി സംവിധാനം ചെയ്ത ‘ബാഹുബലി’,’ആര് ആര് ആര്’, ആമിര് ഖാന്റെ’ദംഗല്’എന്നിവയാണ് മുന്പ് 1000 കോടിയിലധികം കളക്റ്റ് ചെയ്ത സിനിമകള്.
കന്നഡ സിനിമാ മേഖലയുടെ തലവര മാറ്റി വരച്ച ചിത്രം കൂടിയായിരുന്നു കെജിഎഫ്. യഷ് നായകനായ പിരീഡ് ഗ്യാങ്സ്റ്റര് ഡ്രാമ ചിത്രത്തില് സഞ്ജയ് ദത്ത് ആണ് അധീര എന്ന പ്രതിനായക കഥാപാത്രത്തെ അവതരിപ്പിച്ചത്. ശ്രീനിധി ഷെട്ടി, രവീണ ടണ്ഡന്, പ്രകാശ് രാജ്, മാള്വിക അവിനാശ്, അച്യുത് കുമാര്, അയ്യപ്പ പി ശര്മ്മ, റാവു രമേശ്, ഈശ്വരി റാവു, അര്ച്ചന ജോയ്സ്, ടി എസ് നാഗഭരണ, ശരണ്, അവിനാശ്, സക്കി ലക്ഷ്മണ്, വസിഷ്ട സിംഹ, ഹരീഷ് റായ്, ദിനേശ് മാംഗളൂര്, തരക്, രാമചന്ദ്ര രാജു, വിനയ് ബിഡപ്പ, അശോക് ശര്മ്മ, മോഹന് ജുനേജ, ഗോവിന്ദ ഗൗഡ, ജോണ് കൊക്കന്, ശ്രീനിവാസ് മൂര്ത്തി തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. കെജിഎഫ് ആദ്യഭാഗം 2018-ലാണ് റിലീസ് ചെയ്തത്.
സാധാരണ ഫോര്മാറ്റില് ഉള്ള റിലീസിനേക്കാള് ഒരു ദിവസം മുമ്പെ ഐമാക്സില് പ്രദര്ശനത്തിനെത്തിയെന്നതും പ്രത്യേകതയാണ്. ഏപ്രില്13ന് ആയിരുന്നു ചിത്രത്തിന്റെ ഐമാക്സ് റിലീസ്. കന്നഡയ്ക്കു പുറമെ തെലുങ്ക്, തമിഴ്, മലയാളം, ഹിന്ദി ഭാഷകളിലും ചിത്രം പ്രദര്ശനത്തിനെത്തി. പൃഥ്വിരാജ് പ്രൊഡക്ഷന്സ് ആണ് ചിത്രം കേരളത്തില് വിതരണം ചെയ്തത്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.