രാജീവ്ഗാന്ധി സെന്റർ ഫോർ ബയോടെക്നോളജി (RGCB)
തിരുവനന്തപുരത്തെ (പൂജപ്പുര) രാജീവ്ഗാന്ധി സെന്റർ ഫോർ ബയോടെക്നോളജി (RGCB) 2022-24 വർഷത്തെ എം.എസ്.സി ബയോടെക്നോളജി പ്രോഗ്രാം പ്രവേശനത്തിന് അപേക്ഷകൾ ക്ഷണിച്ചു.
വിജ്ഞാപനം, പ്രോസ്പെക്ടസ് എന്നിവക്ക് https://rgcb.res.in/MSc2022.php സന്ദർശിക്കുക. അപേക്ഷ ഓൺലൈനായി ജൂൺ 30 വൈകീട്ട് 5.30 മണി വരെ സ്വീകരിക്കും. ആകെ 20 സീറ്റുകൾ.
പ്രവേശന യോഗ്യത: സയൻസ്, എൻജിനീയറിങ്, മെഡിസിൻ എന്നിവയിലേതെങ്കിലുമൊന്നിൽ മൊത്തം 60 ശതമാനം മാർക്കിൽ/തത്തുല്യ ഗ്രേഡിൽ കുറയാതെ ബാച്ചിലേഴ്സ് ബിരുദം. എസ്.സി/എസ്.ടി/ഒ.ബി.സി-എൻ.സി.എൽ/പി.ഡബ്ല്യു.ഡി വിഭാഗങ്ങളിൽ പെടുന്നവർക്ക് 5 ശതമാനം മാർക്കിളവുണ്ട്. പ്രാബല്യത്തിലുള്ള `GAT-B’ സ്കോർ ഉള്ളവരാകണം. അവസാനവർഷ യോഗ്യതാ പരീക്ഷയെഴുതുന്നവരെയും വ്യവസ്ഥകൾക്ക് വിധേയമായി പരിഗണിക്കുന്നതാണ്.
നാല് സെമസ്റ്ററുകളായുള്ള രണ്ടുവർഷത്തെ ഫുൾടൈം കോഴ്സിൽ ഡിസീസ് ബയോളജി, ജെനറ്റിക് എൻജിനീയറിങ്, മോളിക്യുലർ ഡെയ്ഗ്നോസ്റ്റിക്സ് ആൻഡ് DNA പ്രൊഫൈലിങ് എന്നിവ സ്പെഷലൈസേഷനുകളാണ്. ആദ്യവർഷം പ്രതിമാസം 6000 രൂപയും രണ്ടാം വർഷം പ്രതിമാസം 8000 രൂപയും സ്റ്റൈപ്പൻഡുണ്ട്. വിജയകരമായി പഠനം പൂർത്തിയാക്കുന്നവർക്ക് കേന്ദ്ര ബയോടെക്നോളജി വകുപ്പിന് കീഴിലുള്ള റീജ്യനൽ സെന്റർ ഫോർ ബയോടെക്നോളജി എം.എസ്.സി ബിരുദം സമ്മാനിക്കും.
പ്രവേശനം ലഭിക്കുന്നവർക്ക് ഹോസ്റ്റൽ സൗകര്യം ലഭിക്കും. അന്വേഷണങ്ങൾക്ക് msc@rgcb.res.in എന്ന ഇ-മെയിലിലും 0471-2529653 എന്ന ഫോൺ നമ്പറിലും ബന്ധപ്പെടാവുന്നതാണ്.
നേതാജി സുഭാഷ് യൂണിവേഴ്‌സിറ്റിയിൽ എം.എസ്.സി
ഡല്‍ഹിയിലെ നേതാജി സുഭാഷ് യൂണിവേഴ്‌സിറ്റി ഓഫ് ടെക്‌നോളജി 2022-23 -ല് നടത്തുന്ന വിവിധ എം.എസ്.സി. പ്രോഗ്രാമുകളിലെ പ്രവേശനത്തിന് ഇപ്പോൾ അപേക്ഷിക്കാം. ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നിവയിലാണ് പ്രോഗ്രാമുകള്‍ ഉള്ളത്. ബി.എസ്.സി വിഭാഗത്തിൽ ബന്ധപ്പെട്ട വിഷയം മുഖ്യവിഷയമായി പഠിച്ച്, അംഗീകൃത സര്‍വകലാശാലയില്‍നിന്ന് 55 ശതമാനം മാര്‍ക്കോടെ (പട്ടിക/ഭിന്നശേഷിക്കാര്‍ക്ക് 50 ശതമാനം)/തത്തുല്യ സി.ജി.പി.എ.-യോടെ ബി.എസ്‌സി. (ജനറല്‍/ഓണേഴ്‌സ്) ബിരുദം നേടിയവര്‍ക്ക് അപേക്ഷിക്കാം.
ജൂലായ് 17-ന് നടത്തുന്ന കംപ്യൂട്ടര്‍ അധിഷ്ഠിത പ്രവേശന പരീക്ഷകള്‍ വഴിയായിരിക്കും പ്രവേശനം .പരീക്ഷയുടെ വിശദമായ സിലബസ് www.nsit.ac.in/ -ലുള്ള അഡ്മിഷന്‍ ബ്രോഷറില്‍ ലഭിക്കും. അപേക്ഷ www.nsit.ac.in വഴി ജൂണ്‍ 30 വരെ നല്‍കാം.
വിദ്യാർത്ഥികൾക്ക് ഒ ഇ സി ആനുകൂല്യം; ജൂണ്‍ 30ന് മുമ്പ് വിവരങ്ങള്‍ നല്കണം
കേരളത്തിലെ സര്‍ക്കാര്‍, എയ്ഡഡ്, അംഗീകൃത അണ്‍ എയ്ഡഡ്, സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്‌കൂളുകളില്‍ ഒന്ന് മുതല്‍ പത്ത് വരെ ക്ലാസുകളില്‍ പഠിക്കുന്ന ഒ.ഇ.സി വിദ്യാഭ്യാസ ആനുകൂല്യത്തിന് അര്‍ഹരായ വിദ്യാര്‍ത്ഥികളുടെ വിവരങ്ങള്‍ സ്‌കൂള്‍ അധികൃതര്‍ ജൂണ്‍ 30നകം ലഭ്യമാക്കണമെന്ന് പിന്നാക്ക വിഭാഗ വികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു. www.egrantz.kerala.gov.in എന്ന വെബ് പോര്‍ട്ടല്‍ മുഖേന ഓണ്‍ലൈന്‍ ആയി വിവരങ്ങള്‍ സമര്‍പ്പിക്കാം. വിശദ വിവരങ്ങള്‍ ഇ ഗ്രാന്റ്‌സ് പോര്‍ട്ടലിലും www.bcdd.kerala.gov.in എന്ന വെബ്‌സൈറ്റിലും ലഭ്യമാണ്. കൂടുതല്‍ വിവരങ്ങള്‍ക്ക് പിന്നാക്ക വിഭാഗ വികസന വകുപ്പിന്റെ കൊല്ലം മേഖലാ ഓഫീസുമായി ബന്ധപ്പെടുക. ഫോണ്‍ :0474 2914417, ഇ മെയില്‍: bcddklm@gmail.com.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
