വെറും നിലത്തു ഇരുന്നു ചോറുണ്ണും, അച്ചാറ് പാക്കറ്റ് പിടിച്ചു ഇരിക്കുന്നത് കാണുമ്പോള് സങ്കടം വരും: നൂറിന് പിന്തുണയുമായി യുവ സംവിധായകന്
നടി നൂറിന് ഷെരീഫിനെതിെര പുറത്തു വരുന്ന വാര്ത്തകളില് വാസ്തവമില്ലെന്ന് യുവ സംവിധായകന് പ്രവീണ് രാജ്. നൂറിന് ഷെരീഫിനെതിരെ സാന്റാക്രൂസ് സിനിമയുടെ അണിയറ പ്രവര്ത്തകര് ഉന്നയിച്ച ആരോപണങ്ങളാണ് സോഷ്യല് മീഡിയയില് നിറഞ്ഞു നില്ക്കുന്നത്. നൂറിന് അഭിനയിച്ച തന്റെ സിനിമയിലെ സാഹചര്യങ്ങള് വ്യക്തമാക്കികൊണ്ട് ഫേസ്ബുക്ക് കുറിപ്പിലാണ് പ്രവീണ് നൂറിനെ പിന്തുണച്ച് രംഗത്തെത്തിയത്.
പത്ത് രൂപ വാങ്ങിയാല് രണ്ടു രൂപയ്ക്കെങ്കിലും ജോലി ചെയ്യണമെന്നായിരുന്നു ചിത്രത്തിന്റെ നിര്മ്മാതാവ് രാജു ഗോപി ചിറ്റേത്ത് നൂറിനെ വിമര്ശിച്ച് പറഞ്ഞത്.
എന്നാല്, ചെയ്യുന്ന കാര്യങ്ങളോട് നൂറ് ശതമാനം ആത്മാര്ത്ഥത കാണിക്കുന്നയാളാണ് നൂറിന് എന്നാണ് യുവ സംവിധായകന് പ്രവീണ് രാജിന്റെ കുറിപ്പ്. വെള്ളേപ്പം എന്ന ചിത്രത്തിന്റെ സംവിധായകനാണ് പ്രവീണ്. ലൊക്കേഷനില് താന് കണ്ട ചില കാര്യങ്ങളാണ് തുറന്നു പറയുന്നതെന്ന് പറഞ്ഞാണ് ഫേസ്ബുക്കില് പ്രവീണ് കുറിപ്പ് പങ്കുവച്ചിരിക്കുന്നത്.
ഫേസ്ബുക്ക് പോസ്റ്റിന്റെ പൂര്ണരൂപം വായിക്കാം
‘പത്തു രൂപയുടെ കൂലിക്ക് രണ്ടു രൂപയുടെ പോലും ജോലി ചെയ്യാത്ത നടി. നൂറിന് ഷെരിഫ് എന്ന എന്റെ നായികയെ കുറിച്ചാണ് രാവിലെ മുതല് ഇത്തരത്തില് പ്രചരിക്കുന്നത്. സത്യത്തില് ആ പ്രചരണത്തിന്റെ ഉദ്ദേശം എന്താണ് എന്ന് ആ വാര്ത്ത പ്രസിദ്ധീകരിച്ച പേജുകള്ക്കടിയില് പലരും കമന്റ് ആയി ഇടുന്നും ഉണ്ട്.
സിനിമ നന്നായാല് ആളുകള് വരും എന്നാണ് ഇത്രയും കാലമായിട്ടും എന്റെ എളിയ അനുഭവം. നമ്മുടെ കുറ്റങ്ങളും കുറവുകളും മറ്റൊരാളുടെ മേല് അടിച്ചേല്പ്പിക്കുകയും അവ രസകരമായ തലക്കെട്ടുകളയി മാദ്ധ്യമങ്ങളില് നിറക്കുകയും ചെയ്തു വ്യക്തിഹത്യ നടത്തുന്നു. ആത്മരതിയുടെ അപ്പോസ്ഥലന്മാര് അവ വാരി എറിഞ്ഞു ആനന്ദം കണ്ടെത്തുന്നു.
ഈ സൈബര് ബുള്ളിങ് ഏതാനും ദിവസങ്ങളോ മണിക്കൂറുകളോ ഉണ്ടാകുള്ളൂ എങ്കിലും അത് അനുഭവിക്കുന്ന വ്യക്തിക്ക് ആ വ്യക്തിയെ കുറിച്ച് രൂപപ്പെടുന്ന പൊതുബോധം കാലങ്ങളോളം നിലനില്ക്കും, പലരും അത് അവസാനം വരെ വിശ്വസിക്കുകയും ചെയ്യും എന്നതാണ് വസ്തുത.
സിനിമയുമായി യാതൊരു ബന്ധവുമില്ലാത്ത നിര്മാതാവ് മറ്റാരുടെയോ വാക്കുകള് കേട്ട് പുലമ്ബുന്ന വാക്കുകള് മാത്രമാണത്. എന്റെ അനുഭവത്തില് ഞങ്ങളുടെ കൊച്ചു സിനിമയില് ഒത്തൊരുമയോടെ മുന്നോട്ട് പോയ മിടുക്കി ആണ് നൂറു. വെറും നിലത്തു ഇരുന്നു ചോറുണ്ട് അമ്പത് രൂപയുടെ സിനിമ ബിരിയാണി ഒക്കെ ആയിരിക്കും ഭക്ഷണം. എന്നാലും ഒന്നും മിണ്ടാതെ പാവം അച്ചാറ് പാക്കറ്റ് പിടിച്ചു ഇരിക്കുന്നത് കാണുമ്പോള് സങ്കടം വരും.
രാവിലെ മുതല് വാട്സാപ്പില് വാര്ത്തകള് കൊണ്ട് തള്ളുന്ന എല്ലാവര്ക്കും വേണ്ടി കൂടി ആണ് ഇത് പോസ്റ്റുന്നത്. ഈ ചിത്രം ഒരു കുഞ്ഞു പ്രൊമോഷന് പരിപാടിയുടെ ഭാഗമായി എടുത്തതാണ്. തൃശൂര് കോര്പ്രേഷന് നടത്തുന്ന ശുചിത്വ മിഷന് പരിപാടിയുടെ ഉത്ഘാടനം ചെയ്യാന് ഉള്ള പരിപാടി.
ശക്തന് സ്റ്റാന്ഡിന്റെ ഒരു വശം മുഴുവന് വൃത്തിയാക്കാന് അവിടെ ഉള്ള കുടുംബശ്രീ ചേച്ചിമാര്ക്ക് ഒപ്പം നടക്കുന്ന നൂറിനെ കണ്ട് എന്റെ പോലും കിളി പോയി.ഒരു കാര്യം ചെയ്യുമ്ബോള് അതിന്റെ ആത്മാര്ത്ഥതയോടെ ചെയ്യണം എന്ന് നമ്മള്ക്ക് തന്നെ തോന്നിപ്പിക്കുന്ന തരം പ്രകൃതമുള്ള ബോള്ഡ് ആയ പെണ്കുട്ടി.
ഇപ്പോള് ഈ കേള്ക്കുന്നതിനും പറയുന്നതിനും ഒന്നും അധികം ആയുസ് ഉണ്ടാകില്ല എന്നാലും നമ്മളെ അറിയുന്ന നമ്മള്ക്ക് അറിയുന്ന ഒരാളെ കുറിച്ച് രണ്ടു രൂപയുടെ വാര്ത്ത ഒക്കെ വരുമ്ബോള് അതു ഇത്തിരി ബുദ്ധിമുട്ട് തന്നെ ആണ്. യൂണിവേഴ്സിറ്റി എക്സാം ദിവസം റിലീസ് വെച്ചിട്ട് ഫസ്റ്റ് ഷോ കാണാം വരണമെന്ന് പറയുന്നതിലെ യുക്തി കൂടി മനസിലാക്കണം.
ഇനി എന്റെ സിനിമയുടെ കാര്യം പറയാം അത് ആളുകളിലേക്ക് എത്തിക്കേണ്ട വിജയിപ്പിക്കേണ്ട ഉത്തരവാദിത്തം എനിക്ക് മാത്രമാണ്. ആരൊക്കെ കൂടെ ഉണ്ടാകും ഉണ്ടാകില്ല എന്നൊന്നും ഇല്ല.ഒരിക്കലും തോറ്റു കൊടുക്കില്ല എന്ന ഒരു വിശ്വാസം മാത്രമുള്ള ഒരു ഞാന്.’
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.