ജനീവ: പാര്‍ലമെന്റിൽ ഭൂചലനത്തെ പറ്റി ചർച്ച നടക്കുമ്പോൾ കെട്ടിടം കുലുങ്ങി. യൂറോപ്പിലെ ലിക്റ്റന്‍സ്റ്റൈന്‍ എന്ന ചെറുരാജ്യത്തിന്റെ പാര്‍ലമെന്റില്‍ കഴിഞ്ഞ ദിവസമാണ് ഞെട്ടിക്കുന്ന സഭവം നടന്നത്. ഭൂചലന ഇന്‍ഷ്വറന്‍സ് ആയിരുന്നു ചര്‍ച്ചാ വിഷയം. ചര്‍ച്ചയ്ക്കായി പാര്‍ലമെന്റംഗങ്ങളെല്ലാം ഒത്തുകൂടി നടപടിക്രമങ്ങള്‍ ആരംഭിച്ചെങ്കിലും പിന്നീട് നടന്നത് വന്‍ ട്വിസ്റ്റാണ്. യോഗത്തിനിടെ രണ്ട് തവണ ഭൂചലനമുണ്ടായതോടെ ചര്‍ച്ച പാതി വഴിയില്‍ നിറുത്തി എം.പിമാര്‍ക്ക് പാര്‍ലമെന്റ് കെട്ടിടത്തിന്റെ പുറത്തേക്ക് പോകേണ്ടി വന്നു. ഇതിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി.
വ്യാഴാഴ്ച ഉച്ചയ്ക്കായിരുന്നു സംഭവം. ആദ്യത്തെ ചലനം ചെറുതായിരുന്നു. രാജ്യത്തെ എല്ലാ പൗരന്മാരെയും ഭൂചലനം ബാധിക്കാനുള്ള സാദ്ധ്യത വളരെ കൂടുതലാണെന്ന് ബെറ്റിന പെറ്റ്‌സോള്‍ഡ് – മേയര്‍ എന്ന വനിതാ എം.പിയുടെ പരാമര്‍ശത്തിനിടെയായിരുന്നു ആദ്യ ചലനം. പാര്‍ലമെന്റിലുണ്ടായിരുന്നവര്‍ ഒരു ചിരിയോടെ ചര്‍ച്ച തുടര്‍ന്നെങ്കിലും സെക്കന്റുകള്‍ക്കുള്ളിലുണ്ടായ രണ്ടാമത്തേത് ശക്തമായിരുന്നു. പാര്‍ലമെന്റ് കെട്ടിടം ശക്തമായി കുലുങ്ങി. ഇതോടെ ചര്‍ച്ച താത്കാലികമായി നിറുത്താന്‍ സ്പീക്കര്‍ ഉത്തരവിടുകയായിരുന്നു.
🇱🇮 WATCH: Earthquake shakes Liechtenstein parliament as MPs discuss mandatory earthquake insurance.pic.twitter.com/qSa8D4A7mU
— TLDR News EU (@TLDRNewsEU) September 2, 2022
റിക്ടര്‍ സ്കെയിലില്‍ 3.9 തീവ്രത ചലനത്തിനുണ്ടായിരുന്നതായി അധികൃതര്‍ പറയുന്നു. പിന്നീട് 15 മിനിറ്റുകള്‍ ശേഷം ചര്‍ച്ച പുനഃരാരംഭിച്ചു. രാജ്യത്തിന്റെ വിവിധ ഭാഗത്ത് ചലനം അനുഭവപ്പെട്ടെങ്കിലും ആളപായമോ നാശനഷ്ടമോ ഇല്ല. സ്വിറ്റ്‌സര്‍ലന്‍ഡിനും ഓസ്ട്രിയയ്ക്കും മധ്യേയാണ് ലിക്റ്റന്‍സ്റ്റൈനിന്റെ സ്ഥാനം. ആല്‍പ്സ് പര്‍വതനിരകളുടെ സാന്നിദ്ധ്യം ഇവിടെ പലപ്പോഴും ഭൂചലനങ്ങള്‍ക്ക് കാരണമാകാറുണ്ട്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
