ബെംഗളൂരു: ജീവനക്കാരുടെ കൂട്ടപ്പിരിച്ചുവിടലിൽ ഖേദം പ്രകടിപ്പിച്ച് ബൈജൂസ് സി.ഇ.ഒ. ബൈജു രവീന്ദ്രൻ. കമ്പനിയുടെ കൂട്ടപ്പിരിച്ചുവിടൽ നയത്തിന്റെ ഭാഗമായി വിട്ടുപോകേണ്ടിവരുന്നവരോട് ഖേദം പ്രകടിപ്പിക്കുന്നതായും അത്രയും പേർ ഒഴിഞ്ഞുപോകുന്നത് തന്റെ ഹൃദയത്തെ തകർക്കുന്നതായും ജീവനക്കാർക്ക് അയച്ച ഇ- മെയിലിൽ ബൈജു പറഞ്ഞു.
കമ്പനിയെ ലാഭത്തിലെത്തിക്കാനുള്ള വഴിയിൽ വലിയ വില നൽകേണ്ടിവരുന്നുണ്ടെന്നും കത്തിൽ അദ്ദേഹം പറഞ്ഞു.
ശാന്തമായും ഫലപ്രദമായും നടപടികൾ പൂർത്തിയാക്കാനാണ് കമ്പനി ആഗ്രഹിക്കുന്നത്. എന്നിരുന്നാലും ധൃതിയിൽ കാര്യങ്ങൾ ചെയ്തു തീർക്കാൻ കമ്പനി ഉദ്ദേശിക്കുന്നില്ല. നിലവിലെ കമ്പനിയുടെ മൊത്തം ജീവനക്കാരുടെ എണ്ണത്തിന്റെ അഞ്ചുശതമാനത്തിൽ കൂടുതൽ പിരിച്ചുവിടൽ ഉണ്ടാവില്ലെന്നും ജീവനക്കാർക്ക് അയച്ച മെയിലിൽ വ്യക്തമാക്കി.
പിരിച്ചുവിടുന്ന ആളുകളെ ഭാവിയിൽ തിരിച്ചെടുക്കുന്നതും കമ്പനിയുടെ ഇത് ആദ്യ പരിഗണനകളിൽ ഒന്നായിരിക്കുമെന്നും അദ്ദേഹം പറഞ്ഞു. പുതുതായി നിലവിൽ വരുന്ന തസ്തികകളിൽ ഇവരെ പരിഗണിക്കാൻ എച്ച്.ആർ. വിഭാഗത്തോട് നിർദേശിച്ചിട്ടുണ്ടെന്നും വിശദീകരിച്ചു.
അഞ്ച് ശതമാനം ജീവനക്കാരെ പിരിച്ചുവിടാനാണ് കമ്പനി തീരുമാനിച്ചിരിക്കുന്നത്. അടുത്ത വർഷം മാർച്ചോടെ നടപടികൾ പൂർത്തിയാക്കാനാണ് ഉദ്ദേശിക്കുന്നത്.
ഇതിന്റെ ഭാഗമായി 2,500 പേർക്ക് ജോലി നഷ്ടമാകും. കമ്പനിയുടെ കേരളത്തിലെ ഓഫീസിലെ ജീവനക്കാരിൽ 100 ഓളം പേരെ നേരത്തെ പിരിച്ചുവിട്ടിരുന്നു. പിരിച്ചുവിട്ട ജീവനക്കാർ കേരള തൊഴിൽ മന്ത്രി വി. ശിവൻകുട്ടിയെ കണ്ടിരുന്നെങ്കിലും കമ്പനിയുടെ കരാർ വ്യവസ്ഥ പ്രകാരമാണ് പിരിച്ചുവിടലെന്ന് കമ്പനി വിശദീകരണം നൽകിയിരുന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.