ബെംഗളൂരു: കർണാടകയിൽ ബസുകൾ, ടാക്സികൾ, ഓട്ടോകൾ എന്നിവയുൾപ്പെടെ എല്ലാ പൊതുഗതാഗത വാഹനങ്ങളിലും വെഹിക്കിൾ ലൊക്കേഷൻ ട്രാക്കിംഗ് ഉപകരണങ്ങളും എമർജൻസി പാനിക് ബട്ടണുകളും സ്ഥാപിക്കാൻ സംസ്ഥാന സർക്കാർ മന്ത്രിസഭ അനുമതി നൽകി.
കേന്ദ്രസർക്കാരിന്റെ നിർദേശപ്രകാരമാണ് തീരുമാനമെന്ന് നിയമമന്ത്രി ജെ.സി. മധുസ്വാമി പറഞ്ഞു. പദ്ധതിക്കായി 20.36 കോടി രൂപ അനുവദിച്ചിട്ടുണ്ടെന്നും ഇതിൽ 60 ശതമാനം കേന്ദ്രസർക്കാരും ബാക്കി സംസ്ഥാന സർക്കാരും വഹിക്കുമെന്നും അദ്ദേഹം പറഞ്ഞു. സ്ത്രീകളുടെയും കുട്ടികളുടെയും സുരക്ഷ ഉറപ്പാക്കാനാണ് ഈ നടപടി പ്രധാനമായും ലക്ഷ്യമിടുന്നതെന്ന് മന്ത്രി പറഞ്ഞു.
സംസ്ഥാനത്തെ റോഡുകളിൽ അപകടങ്ങൾ തടയുന്നതിന് വാഹനങ്ങളുടെ വേഗത നിരീക്ഷിക്കാനും ഇത് സഹായിക്കും. ഒരു കേന്ദ്രീകൃത യന്ത്രവൽകൃത സംവിധാനത്തിലൂടെ, വാഹനങ്ങൾ ശരിയായ റൂട്ടിലൂടെയാണോ ഓടുന്നതെന്ന് നിരീക്ഷിക്കാനും അനധികൃത വാഹനങ്ങൾ പരിശോധിക്കാനും അധികാരികൾക്ക് ഇത് വഴി സാധിക്കും.
4.51 ലക്ഷം ക്യാബുകളും ടാക്സികളും, 16,432 സ്കൂൾ ബസുകളും, 23,077 സ്വകാര്യ ട്രാൻസ്പോർട്ട് വാഹനങ്ങളും, 24,701 കെഎസ്ആർടിസി ബസുകളും, 5,138 കരാർ വാഹനങ്ങളും, 1,900 ടൂറിസ്റ്റ് ബസുകളും, 85,949 ചരക്ക് വാഹനങ്ങളും ഉൾപ്പെടെ 6.08 ലക്ഷം വാഹനങ്ങളിലാണ് ഉപകരണങ്ങൾ സ്ഥാപിക്കുക.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.