ഐബി ഉദ്യോഗസ്ഥന്റെ കൊലപാതകം; അയൽവാസിയുടെ മകനും സുഹൃത്തും അറസ്റ്റിൽ
ബെംഗളൂരു: മുൻ ഇന്റലിജൻസ് ബ്യൂറോ (ഐബി) ഉദ്യോഗസ്ഥനെ കൊലപെടുത്തിയ സംഭവത്തിൽ അയൽവാസിയുടെ മകനും സുഹൃത്തും പിടിയിൽ. ഇക്കഴിഞ്ഞ വെള്ളിയാഴ്ചയാണ് മൈസൂരുവിലെ മാനസ ഗംഗോത്രി കാമ്പസിന് സമീപത്തെ ഇടുങ്ങിയ റോഡിലൂടെ നടക്കുകയായിരുന്ന മുൻ ഐബി ഉദ്യോഗസ്ഥൻ ആർ.എൻ. കുൽക്കർണിയെ (83) കാറിടിച്ച് കൊലപ്പെടുത്തിയത്.
പ്രാഥമിക അന്വേഷണത്തിൽ സാധാരണ വാഹനാപകടമായി തോന്നിയിരുന്നുവെങ്കിലും സിസിടിവി ദൃശ്യങ്ങൾ പരിശോധിച്ചതിൽ നിന്നും ഇത് മനപൂർവം സൃഷ്‌ടിച്ച അപകടമാണെന്ന് പോലീസ് കണ്ടെത്തുകയായിരുന്നു.
സംഭവത്തിൽ കുൽക്കർണിയുടെ അയൽവാസി മാദപ്പയുടെ മകൻ മനു (30)വും സുഹൃത്ത് വരുണും അറസ്റ്റിലായി. ഇരുവരും ചേർന്നാണ് കൊലപാതകം ആസൂത്രണം ചെയ്തതെന്ന് മൈസൂരു സിറ്റി പോലീസ് കമ്മിഷണർ ഡോ. ചന്ദ്രഗുപ്ത പറഞ്ഞു. കുൽക്കർണിയുടെ വീടിനോടുചേർന്ന്, മാദപ്പ നിയമവിരുദ്ധമായി കെട്ടിടം പണിതതിനെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്ന് പോലീസ് പറഞ്ഞു. ശാരദാദേവിനഗർ ടി.കെ. ലേഔട്ടിൽ കുൽക്കർണിയുടെ വീടിനോടുചേർന്ന് മാദപ്പ കെട്ടിടം പണിതിരുന്നു.
മൈസൂരു സിറ്റി കോർപ്പറേഷന്റെ നിയമങ്ങൾ ലംഘിച്ചാണ് കെട്ടിടം പണിതതെന്ന് ചൂണ്ടിക്കാട്ടി കുൽക്കർണി നേരത്തെ കോർപ്പറേഷന് പരാതി നൽകി. എന്നാൽ ഇതിൽ നടപടിയുണ്ടാകാത്തതിനെത്തുടർന്ന് അദ്ദേഹം പിന്നീട് കോടതിയെ സമീപിച്ചു.
കോടതി മൈസൂരു സിറ്റി കോർപ്പറേഷന് നോട്ടീസയച്ചു. കെട്ടിടം പൊളിച്ചുമാറ്റുമെന്ന് ചൂണ്ടിക്കാട്ടി കോർപ്പറേഷൻ മാദപ്പയ്ക്ക് നോട്ടീസയച്ചു. ഇതേത്തുടർന്നാണ് കുൽക്കർണിയെ മാദപ്പയുടെ മകൻ മനു കൊലപ്പെടുത്താൻ പദ്ധതിയിട്ടതെന്ന് സിറ്റി പോലീസ് കമ്മിഷണർ പറഞ്ഞു.
ഇക്കഴിഞ്ഞ വെള്ളിയാഴ്ച കാറിന്റെ നമ്പർ പ്ലേറ്റ് മാറ്റിയ ശേഷം നടന്നുപോവുകയായിരുന്ന കുൽക്കർണിയെ മനു ഇടിച്ചുതെറിപ്പിക്കുകയായിരുന്നുവെന്ന് പോലീസ് പറഞ്ഞു. അപകടം നടന്നപ്പോൾ മനുവാണ് കാർ ഓടിച്ചിരുന്നതെന്ന് ഡോ. ചന്ദ്രഗുപ്ത പറഞ്ഞു
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.