ബെംഗളൂരു: കർണാടകയിൽ കഴിഞ്ഞ എട്ട് വർഷത്തിനിടെ കുട്ടികൾക്കെതിരായ കുറ്റകൃത്യങ്ങളുടെ എണ്ണത്തിൽ വൻ വർധനവാണ് കർണാടകയിൽ ഉണ്ടായിരിക്കുന്നതെന്ന് റിപ്പോർട്ട്. 2013-ൽ സംസ്ഥാനത്ത് 1,353 കേസുകൾ റിപ്പോർട്ട് ചെയ്തപ്പോൾ, എട്ട് വർഷത്തിനുള്ളിൽ അഞ്ചിരട്ടിയിലധികം വർധനയുണ്ടായതായി പഠനം ചൂണ്ടിക്കാട്ടി. നാഷണൽ ക്രൈം റെക്കോർഡ്സ് ബ്യൂറോ (എൻസിആർബി) പുറത്തുവിട്ട റിപ്പോർട്ടിലാണ് ഇക്കാര്യം വ്യക്തമാക്കുന്നത്.
2021-ൽ കുട്ടികൾക്കെതിരെ 7,261 കുറ്റകൃത്യങ്ങൾ കേസുകൾ റിപ്പോർട്ട് ചെയ്യപ്പെട്ടു. ഇവയിൽ ഭൂരിഭാഗം കേസുകളും ലൈംഗിക കുറ്റകൃത്യങ്ങളുമായി ബന്ധപ്പെട്ടവയാണെന്ന് എൻസിആർബി രേഖകൾ ചൂണ്ടിക്കാട്ടി. കുറ്റകൃത്യങ്ങളുടെ വ്യാപ്തി കാലക്രമേണ വർധിച്ചിട്ടുണ്ടെന്നും റിപ്പോർട്ട് വ്യക്തമാക്കി. 2012-ൽ പോക്സോ നിയമം നിലവിൽ വന്നതോടെയാണ് കൂടുതൽ കേസുകൾ റിപ്പോർട്ട് ചെയ്യപ്പെട്ടത്. മുമ്പ് റിപ്പോർട്ട് ചെയ്യപ്പെടാത്ത പല വിഭാഗത്തിലുള്ള കുറ്റകൃത്യങ്ങളും ഇപ്പോൾ റിപ്പോർട്ട് ചെയ്യപ്പെടുന്നുണ്ടെന്നു ബെംഗളൂരു സിറ്റി ഡെപ്യൂട്ടി പോലീസ് കമ്മീഷണർ ഡോ.എസ്. ഡി. ശരണപ്പ പറഞ്ഞു.
2020 മുതൽ രജിസ്റ്റർ ചെയ്ത 2,563 കേസുകൾ ഇനിയും പോലീസ് അന്വേഷിക്കാനുണ്ട്. 2022 ൽ അന്വേഷിക്കേണ്ട മൊത്തം കേസുകളുടെ എണ്ണം 9,824 ആയി. നിലവിൽ കുട്ടികൾക്കും സ്ത്രീകൾക്കുമെതിരായ കുറ്റകൃത്യങ്ങളെക്കുറിച്ചുള്ള അന്വേഷണത്തിനാണ് മുൻതൂക്കം നൽകുന്നതെന്ന് അദ്ദേഹം പറഞ്ഞു.
കുട്ടികൾക്കെതിരായ കുറ്റകൃത്യങ്ങളുമായി ബന്ധപ്പെട്ട് മൊത്തം 13,903 കേസുകൾ കോടതികളിൽ വിചാരണ തീർപ്പാക്കാതെ കിടക്കുന്നുണ്ട്. കുട്ടികൾക്കെതിരെയുള്ള അക്രമം തടയാൻ രക്ഷിതാക്കളും കൂടുതൽ ജാഗ്രത പാലിക്കണമെന്ന് ശിശുസംരക്ഷണ ഡയറക്ടറേറ്റിലെ ശിശുക്ഷേമ സമിതി ഭാരവാഹികൾ നിർദേശിച്ചു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.