ജോലിയിൽ കൃത്യനിഷ്ഠത പാലിച്ചില്ലെങ്കിൽ ശമ്പളം നഷ്ടപ്പെടുമെന്ന് മുന്നറിയിപ്പ്
ബെംഗളൂരു: ജോലിയിൽ പ്രവേശിക്കാൻ വൈകി എത്തുന്ന അധ്യാപകരുടെ പകുതി ദിവസത്തെ ശമ്പളം നഷ്ടപ്പെടുമെന്ന മുന്നറിയിപ്പുമായി ബെംഗളൂരു സർവകലാശാല (ബിയു). ഇത് സംബന്ധിച്ച് സർവകലാശാല സർക്കുലർ പുറപെടുവിച്ചു.
സർവ്വകലാശാലയിൽ അച്ചടക്കം കൊണ്ടുവരേണ്ടതുണ്ടെന്നും അതിനാൽ പുതിയ നിയമങ്ങൾ അവതരിപ്പിക്കാൻ തീരുമാനിച്ചതായും ബിയു രജിസ്ട്രാർ മഹേഷ് ബാബു പറഞ്ഞു. കുറച്ച് അധ്യാപക-അനധ്യാപക ജീവനക്കാർ കൃത്യസമയത്ത് ഓഫീസിൽ റിപ്പോർട്ട് ചെയ്യുന്നില്ലെന്ന് സർവകലാശാല കണ്ടെത്തിയിട്ടുണ്ട്. എല്ലാ ജീവനക്കാരും ദിവസത്തിൽ രണ്ടുതവണ ഹാജർ ഒപ്പിടണമെന്നത് നിർബന്ധമാണെന്നിരിക്കെ പലരും ഇത് പാലിക്കുന്നില്ലെന്നും കണ്ടെത്തിയതായി രജിസ്ട്രാർ പറഞ്ഞു.
പുതിയ സർക്കുലർ പ്രകാരം ഡ്യൂട്ടിയിൽ വൈകി റിപ്പോർട്ട് ചെയ്യുന്ന ജീവനക്കാർക്ക് പകുതി ദിവസത്തെ ശമ്പളം നഷ്ടപ്പെടും. ജോലിയിൽ പ്രവേശിക്കുന്നത് വൈകുന്ന പ്രവണത സ്ഥിരമായാൽ അത്തരം അധ്യാപകരുടെ അന്നത്തെ ദിവസം കാഷ്വൽ ലീവ് എന്ന രീതിയിൽ കണക്കാക്കും.
ഏതെങ്കിലും ജീവനക്കാരന് അടിയന്തര ജോലികൾക്കായി ഓഫീസിന് പുറത്ത് പോകേണ്ടി വന്നാൽ, ജീവനക്കാരൻ ഇക്കാര്യം മൂവ്‌മെന്റ് രജിസ്റ്ററിൽ രേഖപെടുത്തുകയും മുൻകൂർ അനുമതി വാങ്ങുകയും ചെയ്യണമെന്നും ഉത്തരവിൽ പറയുന്നു. ജീവനക്കാരൻ 30 മിനിറ്റിൽ കൂടുതൽ ഓഫീസ് പ്രവൃത്തി സമയത്തിൽ നിന്ന് വിട്ടുനിന്നാൽ അത് അവധിയായി കണക്കാക്കും. ഓഫീസിൽ ബയോമെട്രിക്‌സ് ഏർപ്പെടുത്താൻ പദ്ധതിയുണ്ടെന്നും സർക്കുലറിൽ വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.