ഗതാഗത കുരുക്കഴിക്കാൻ ഔട്ടർ റിങ് റോഡിൽ പുതിയ നിയന്ത്രണം ഏർപ്പെടുത്തും
ബെംഗളൂരു: ബെംഗളൂരുവിലെ ഔട്ടർ റിംഗ് റോഡിലും ചുറ്റുമുള്ള റോഡുകളിലും പുതിയ ഗതാഗത നിയന്ത്രണങ്ങളും ക്രമീകരണങ്ങളും ഉടൻ നടപ്പാക്കും. ബെംഗളൂരു സിറ്റി പോലീസ് അധികൃതർ ഔട്ടർ റിംഗ് റോഡ് കമ്പനീസ് അസോസിയേഷനുമായി (ഒആർആർസിഎ) ചർച്ച നടത്തുകയും പ്രദേശത്തെ സുഗമമായ ഗതാഗതത്തിനായി പുതിയ നിയന്ത്രണങ്ങൾ നടപ്പിലാക്കാൻ ഉദ്യോഗസ്ഥർക്ക് നിർദേശം നൽകുകയും ചെയ്തു.
വൈറ്റ്ഫീൽഡ് ട്രാഫിക് സബ് ഡിവിഷനിലെ അസിസ്റ്റന്റ് പോലീസ് കമ്മീഷണർക്കാണ് പ്രവൃത്തികളുടെ മേൽനോട്ടം ഏൽപിച്ചിരിക്കുന്നത്. ഇതോടെ ഔട്ടർ റിംഗ് റോഡിലെ സർവീസ് റോഡ് ഹെബ്ബാൾ മേൽപ്പാലം മുതൽ സിൽക്ക് ബോർഡ് വരെ വൺവേ ആക്കാൻ സാധ്യതയുണ്ട്. സർവ്വീസ് റോഡുകളുടെ പാർക്കിംഗും കൈയേറ്റവും നീക്കം ചെയ്ത് എല്ലായ്‌പ്പോഴും ഗതാഗതം സുഗമമാക്കുമെന്നും സ്‌പെഷ്യൽ പോലീസ് കമ്മീഷണർ (ട്രാഫിക്) എം. എ. സലീം പറഞ്ഞു.
ഔട്ടർ റിംഗ് റോഡ് കമ്പനീസ് അസോസിയേഷൻ 50 ട്രാഫിക് മാർഷലുകളെ ഇതിനായി വിന്യസിക്കും. തെറ്റായ പാർക്കിംഗ് നീക്കം ചെയ്യുന്നതിനും ഗതാഗതം ക്രമീകരിക്കുന്നതിനും അവരെ ട്രാഫിക് പോലീസുകാർക്കൊപ്പം വിന്യസിക്കുമെന്നും അദ്ദേഹം പറഞ്ഞു. അവരുടെ യൂണിഫോം ഇലക്ട്രോണിക് സിറ്റി ഇൻഡസ്ട്രീസ് അസോസിയേഷന്റെ ട്രാഫിക് മാർഷലുകളോട് സാമ്യമുള്ളതായിരിക്കണം.
ഔട്ടർ റിംഗ് റോഡ് മേഖലയിലെ ഗതാഗതക്കുരുക്കിന് ദീർഘകാല പരിഹാരം വേണമെന്നത് ഏറെക്കാലമായുള്ള ആവശ്യമാണ്. ഹെബ്ബാൾ, ബാനസവാടി, കൃഷ്ണരാജപുരം, മഹാദേവപുരം, മാർത്തഹള്ളി, എച്ച്എസ്ആർ ലേഔട്ട്, മഡിവാള, ബിടിഎം ലേഔട്ട്, ജെപി നഗർ, ബനശങ്കരി, കെംഗേരി, ബെംഗളൂരു യൂണിവേഴ്സിറ്റി, നാഗർഭാവി, കെംഗേരി സാറ്റലൈറ്റ് ടൗൺ, ഗോകുല തുടങ്ങിയ പ്രധാന പ്രദേശങ്ങളിലൂടെ കടന്നുപോകുന്നതിനാൽ നഗരത്തിന് ചുറ്റുമുള്ള എല്ലാ പ്രധാന ഹൈവേകളെയും ഒആർആർ ബന്ധിപ്പിക്കുന്നുണ്ട്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
