ആരോഗ്യ കേന്ദ്രങ്ങളിൽ ഒറ്റത്തവണ ഉപയോഗിക്കുന്ന പ്ലാസ്റ്റിക് ഉത്പന്നങ്ങൾക്ക് വിലക്കേർപെടുത്തി
ബെംഗളൂരു: കർണാടകയിലെ എല്ലാ ആരോഗ്യ കേന്ദ്രങ്ങളിലും ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉത്പന്നങ്ങൾക്ക് നിരോധനം ഏർപ്പെടുത്തി സർക്കാർ. നിരോധനം ഫെബ്രുവരി 1 മുതൽ മുൻകാല പ്രാബല്യത്തിലുണ്ടായിരിക്കുമെന്ന് വരുമെന്ന് ആരോഗ്യ മന്ത്രി ഡോ. കെ. സുധാകർ അറിയിച്ചു.
2011ലെ പ്ലാസ്റ്റിക് വേസ്റ്റ് (മാനേജ്‌മെന്റ് ആൻഡ് ഹാൻഡ്‌ലിംഗ്) ആക്ട്, 2016ലെ ഭേദഗതി ചട്ടങ്ങൾ എന്നിവയിലൂടെ കേന്ദ്രസർക്കാർ പ്ലാസ്റ്റിക് ഉൽപന്നങ്ങളുടെ ഉപയോഗത്തിന് നിരവധി നിയന്ത്രണങ്ങൾ ഏർപ്പെടുത്തിയിരുന്നു. ഇതേത്തുടർന്ന് 2016 മാർച്ച് 11ന് കർണാടക സർക്കാരും പ്ലാസ്റ്റിക് ബാഗുകളുടെയും മറ്റ് ഉൽപ്പന്നങ്ങളുടെയും ഉപയോഗം നിരോധിച്ച് വിജ്ഞാപനം പുറപ്പെടുവിച്ചിരുന്നുവെന്ന് മന്ത്രി വിശദീകരിച്ചു.
ഈ വിജ്ഞാപനം കർശനമായി പാലിക്കുന്നതിനായി സംസ്ഥാന ആരോഗ്യവകുപ്പ് എല്ലാ ജില്ലാ ആരോഗ്യ ഓഫീസർമാർക്കും ജില്ലാ സർജൻമാർക്കും എഎംഒമാർക്കും വേണ്ടി സർക്കുലർ പുറപ്പെടുവിച്ചിട്ടുണ്ടെന്നും ഡോ.സുധാകർ പറഞ്ഞു.
ഫെബ്രുവരി ഒന്നു മുതൽ സംസ്ഥാനത്തെ എല്ലാ ആരോഗ്യ കേന്ദ്രങ്ങളും ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക് വിമുക്ത മേഖലകളായി പ്രഖ്യാപിക്കണമെന്നും അദ്ദേഹം നിർദേശിച്ചു.
ഇത് സംബന്ധിച്ച് ആരോഗ്യ കേന്ദ്രങ്ങളുടെ പരിസരത്ത് ബോർഡുകൾ സ്ഥാപിക്കുകയും പൊതുജനങ്ങൾക്ക് വിവരം നൽകുകയും വേണം. ജില്ലാ ആരോഗ്യ ഓഫീസർമാരുടെ ഓഫീസുകളിലും പൊതുജനാരോഗ്യ സേവനവുമായി ബന്ധപ്പെട്ട വെബ്‌സൈറ്റുകളിലും ഇതു സംബന്ധിച്ച വിവരങ്ങൾ നൽകണം.
ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്കിൽ നിർമ്മിച്ച കുപ്പികൾ, കവറുകൾ, ബാഗുകൾ തുടങ്ങി എല്ലാത്തരം ഉൽപന്നങ്ങളും കൊണ്ടുവരുന്നത് തടയാൻ ആരോഗ്യ കേന്ദ്രങ്ങളിലെ സുരക്ഷാ ജീവനക്കാർക്ക് നിർദേശം നൽകണമെന്ന് മന്ത്രി പറഞ്ഞു.
ആരോഗ്യ കേന്ദ്രങ്ങളിലെ കാന്റീനുകളിൽ ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക് ഉൽപന്നങ്ങൾ ഉപയോഗിക്കരുതെന്നും സർക്കുലറിൽ നിർദേശിച്ചിട്ടുണ്ടെന്ന് അദ്ദേഹം വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.