റെയിൽ പദ്ധതികൾക്കായി ബെംഗളൂരുവിൽ 1200 മരങ്ങൾ കൂടി ഉടൻ മുറിച്ചുമാറ്റിയേക്കും
ബെംഗളൂരു: സബർബൻ റെയിൽ പദ്ധതി, പാത ഇരട്ടിപ്പിക്കൽ എന്നിവയ്ക്കായി ബെംഗളൂരുവിൽ 1200 മരങ്ങൾ കൂടി ഉടൻ മുറിച്ചുമാറ്റും. ബൈയപ്പനഹള്ളി മുതൽ ചിക്കബാനാവര വരെ 25 കിലോമീറ്റർ ദൈർഘ്യമുള്ള കോറിഡോർ-2 പദ്ധതിയുടെ നിര്‍മാണജോലികളുടെ ഭാഗമായി ആണ് മരങ്ങൾ മുറിച്ചുമാറ്റുന്നത്. പദ്ധതിയുടെ ചുമതലയുള്ള റെയിൽ ഇൻഫ്രാസ്ട്രക്ചർ ഡെവലപ്‌മെന്റ് കമ്പനി കർണാടക ലിമിറ്റഡിന് (കെ.ആർ.ഐ.ഡി.ഇ) ഇതിനുള്ള അനുമതി ലഭിച്ചതായാണ് റിപ്പോര്‍ട്ടുകള്‍. ഈ വര്‍ഷം ഫെബ്രുവരിയിൽ, ബൈയപ്പനഹള്ളിക്കും ലൊട്ടെഗൊല്ലഹള്ളിക്കും ഇടയിൽ 1,234 മരങ്ങൾ മുറിക്കുന്നതിന് കെ.ആർ.ഐ.ഡി.ഇ) അനുമതി നൽകിയിരുന്നു.
യശ്വന്ത്പുര റെയിൽവേ സ്‌റ്റേഷനിൽ 216 മീറ്റർ വീതിയുള്ള കോൺകോഴ്‌സും മാളും പ്രത്യേക പ്രവേശന, എക്‌സിറ്റ് പോയിന്റുകളും സ്ഥാപിക്കുന്നതിനായി ജനുവരിയിൽ 141 മരങ്ങൾ മുറിക്കുന്നതിന് സൗത്ത് വെസ്റ്റേൺ റെയിൽവേയ്ക്ക് അനുമതി നല്‍കിയിരുന്നു. യശ്വന്ത്പുര- ചന്നസാന്ദ്ര റെയിൽ ഇരട്ടിപ്പിക്കൽ പദ്ധതിക്കായി, മാർച്ചിൽ 698 മരങ്ങൾ മുറിക്കുന്നതിനും 38 എണ്ണം സ്ഥലം മാറ്റുന്നതിനുമുള്ള അനുമതിയും നല്‍കിയിട്ടുണ്ട്. അതേസമയം മരം മുറിക്കുന്നതിനുള്ള അപേക്ഷകളിൽ ഉത്തരവ് പുറപ്പെടുവിക്കുന്നതിന് മുമ്പ് പൊതുജനങ്ങൾക്ക് എതിർപ്പുകൾ ഉന്നയിക്കാം.
2018 മുതൽ 2021 വരെ കർണാടകയിലുടനീളം റോഡുകളും ഹൈവേകളും നിർമ്മിക്കുന്നതിനായി ഒരു ലക്ഷത്തിലധികം മരങ്ങൾ വെട്ടിമാറ്റിയതായി സംസ്ഥാന പൊതുമരാമത്ത് വകുപ്പ് (പിഡബ്ല്യുഡി) അറിയിച്ചിരുന്നു. ബെംഗളൂരു-മൈസൂരു അതിവേഗ പാതയുടെ വികസനത്തിന് 11,078 മരങ്ങൾ വെട്ടിമാറ്റി. 2019-ൽ നമ്മ മെട്രോയുടെ രണ്ടാം ഘട്ടത്തിൽ – ആർവി റോഡ് മുതൽ ബൊമ്മസാന്ദ്ര വരെ – 1,253 മരങ്ങൾ മുറിച്ചുമാറ്റിയിരുന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.