വിവിധ പദ്ധതികളുടെ ഉദ്ഘാടനം; പ്രധാനമന്ത്രി ഇന്നും നാളെയും ദക്ഷിണേന്ത്യ സന്ദർശിക്കും
വിവിധ വികസന പദ്ധതികളുടെ ഉദ്ഘാടനത്തിന്റെ ഭാഗമായി പ്രധാനമന്ത്രി നരേന്ദ്രമോദി ഇന്നും നാളെയും തെലങ്കാന, തമിഴ്‌നാട് കർണാടക സംസ്ഥാനങ്ങൾ സന്ദർശിക്കും. തെലങ്കാനയിലും കർണാടകയിലും നിരവധി പദ്ധതികളുടെ ഉദ്ഘാടനവും തറക്കല്ലിടലും അദ്ദേഹം നിർവ്വഹിക്കും.
കർണാടകയിൽ അന്താരാഷ്‌ട്ര വന്യജീവി സംരക്ഷണ കേന്ദ്രത്തിന് തുടക്കം കുറിക്കും. മാർജ്ജാര വർഗത്തിൽപ്പെട്ട മൃഗങ്ങളെ സംരക്ഷിക്കുന്നതിനായുള്ള കേന്ദ്രമാണിത്. കൂടാതെ പ്രോജക്ട് ടൈഗർ പദ്ധതിയുടെ അമ്പതാം വാർഷിക പരിപാടികൾക്കും അദ്ദേഹം തുടക്കമിടും.
പ്രധാനമന്ത്രി ബന്ദിപ്പുർ ടൈഗർ റിസർവും സന്ദർശിക്കും. മുതുമല ടൈഗർ റിസർവിനുള്ളിലെ തെപ്പക്കാട് ആന ക്യാമ്പിലും അദ്ദേഹം സന്ദർശനം നടത്തും. പാപ്പാന്മാരുമായി അദ്ദേഹം ചർച്ച നടത്തും.
തെലങ്കാനയിൽ 11,300 കോടി രൂപയുടെ പദ്ധതികളുടെ ഉദ്ഘാടനവും തറക്കല്ലിടലും നിർവഹിക്കും. ഏപ്രിൽ 8 ന് രാവിലെ പ്രധാനമന്ത്രി സെക്കന്തരാബാദ് റെയിൽവേ സ്റ്റേഷനിൽ നിന്നുള്ള സെക്കന്തരാബാദ്-തിരുപ്പതി വന്ദേ ഭാരത് എക്‌സ്പ്രസ് ഫ്‌ലാഗ് ഓഫ് ചെയ്യും. ഹൈദരാബാദിനെയും തിരുപ്പതിയെയും ബന്ധിപ്പിക്കുന്ന രണ്ടാമത്തെ വന്ദേ ഭാരത് എക്‌സ്പ്രസ് ആയിരിക്കും ഇത്. തുടർന്ന് ഉച്ചയ്‌ക്ക് ഹൈദരാബാദിലെ പരേഡ് ഗ്രൗണ്ടിൽ പൊതു ചടങ്ങിലും പ്രധാനമന്ത്രി പങ്കെടുക്കും. എയിംസ് ബീബിനഗറിന്റെ തറക്കല്ലിടും നിർവ്വഹിക്കും. അഞ്ച് ദേശീയപാതാ പദ്ധതികൾക്കും തറക്കല്ലിടും.
സെക്കന്തരാബാദ് റെയിൽവേ സ്റ്റേഷന്റെ പുനർവികസനത്തിന്റെ തറക്കല്ലിടലും റെയിൽവേയുമായി ബന്ധപ്പെട്ട മറ്റ് വികസന പദ്ധതികളും പ്രധാനമന്ത്രി രാജ്യത്തിന് സമർപ്പിക്കും. കൂടാതെ സെക്കന്തരാബാദ്-മഹബൂബ് നഗർ പദ്ധതിയുടെ ഇരട്ടിപ്പിക്കലും വൈദ്യുതീകരണവും അദ്ദേഹം രാജ്യത്തിന് സമർപ്പിക്കും.
തമിഴ്‌നാട്ടിൽ 1,260 കോടി രൂപ ചിലവിൽ വികസിപ്പിച്ച ചെന്നൈ അന്താരാഷ്‌ട്ര വിമാനത്താവളത്തിന്റെ പുതിയ ഇന്റഗ്രേറ്റഡ് ടെർമിനൽ ബിൽഡിംഗ് മോദി ഉദ്ഘാടനം ചെയ്യും. എംജിആർ ചെന്നൈ സെൻട്രൽ റെയിൽവേ സ്‌റ്റേഷൻ അദ്ദേഹം ഫ്‌ളാഗ് ഓഫ് ചെയ്യും. താമ്പരം-സെൻകോട്ടൈ വന്ദേ ഭാരത് എക്‌സ്പ്രസും അദ്ദേഹം ഫ്‌ളാഗ് ഓഫ് ചെയ്യും.
കൂടാതെ തമിഴ്‌നാടും കേരളവും തമ്മിൽ ചേർക്കുന്ന ദേശിയപാതകളിൽ കണക്ടിവിറ്റികൾക്കും തുടക്കമിടും. ഇത് മധുര മീനാക്ഷി ക്ഷേത്രത്തിലേയ്‌ക്കും ശബരിമലയിലേയ്‌ക്കും വരുന്ന തീർത്ഥാടകർക്ക് സൗകര്യം ഒരുക്കും.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.