ബെംഗളൂരു: കർണാടകയിലെ നാല് ശതമാനം മുസ്ലീം സംവരണം റദ്ദാക്കിയതിനെ ചോദ്യം ചെയ്തുകൊണ്ടുള്ള ഹർജികള്‍ സുപ്രീംകോടതി ഏപ്രില്‍ 25ന് പരിഗണിക്കും. ഹർജികളില്‍ മറുപടി പറയാന്‍ സംസ്ഥാന സർക്കാർ കൂടുതല്‍ സമയം ആവശ്യപ്പെട്ടതിനെ തുടർന്നാണ് ഹർജി പരിഗണിക്കുന്നത് മാറ്റിയത്. ജസ്റ്റിസുമാരായ കെ.എം.ജോസഫ്, ബി.വി നാഗരത്‌ന എന്നിവരടങ്ങിയ ബെഞ്ചാണ് ഹർജി പരിഗണിക്കുന്നത്.
വൊക്കലിഗ, ലിംഗായത്ത് വിഭാഗങ്ങൾക്ക് വിദ്യാഭ്യാസ സ്ഥാപനങ്ങളിലെ പ്രവേശനത്തിനും സർക്കാർ ജോലികളിലെ നിയമനത്തിനും ക്വാട്ട ആനുകൂല്യങ്ങൾ നൽകില്ലെന്ന് ഏപ്രിൽ 13ന് സംസ്ഥാന സർക്കാർ നൽകിയ ഉറപ്പ് ഏപ്രിൽ 25 വരെ നിലനിൽക്കുമെന്നും കോടതി വ്യക്തമാക്കി. സർക്കാറിന് വേണ്ടി സോളിസിറ്റർ ജനറല്‍ തുഷാർ മേത്തയാണ് നിലപാട് കോടതിയെ അറിയിച്ചത്.
ഹർജിക്കാർക്ക് വേണ്ടി കപില്‍ സിബല്‍ ഉള്‍പ്പടേയുള്ളവരും ഹാജരായി. നിയമസഭാ തിരഞ്ഞെടുപ്പിന് മുന്നോടിയായി നാല് ശതമാനം മുസ്ലീം സംവരണം നിർത്തലാക്കാനുള്ള കർണാടക സർക്കാരിന്റെ തീരുമാനത്തിനെതിരെ വിവിധ സംഘടനകളും വ്യക്തികളുമാണ് കോടതിയെ സമീപിച്ചത്. ഒരു പഠനവും നടത്താതെ സംവരണം നിർത്തലാക്കിയ തീരുമാനം ശരിയല്ലെന്നാണ് ഹർജിക്കാരുടെ വാദം. സർക്കാരിന്റെ തീരുമാനം വികലമാണെന്നായിരുന്നു കഴിഞ്ഞയാഴ്ച ഹർജി പരിഗണിച്ചപ്പോള്‍ കെ. എം. ജോസഫ് അധ്യക്ഷനായ ബെഞ്ച് വ്യക്തമാക്കിയത്.
കോടതിയുടെ നിരീക്ഷണങ്ങൾ കണക്കിലെടുത്ത്, വൊക്കലിഗകൾക്കും ലിംഗായത്തുകൾക്കും വിദ്യാഭ്യാസ സ്ഥാപനങ്ങളിലെ പ്രവേശനത്തിനും സർക്കാർ ജോലികളിലെ നിയമനത്തിനും ക്വാട്ട അനുവദിച്ച മാർച്ച് 24 ലെ ഉത്തരവ് അടുത്ത തീയതി വരെ നിർത്തിവയ്ക്കുമെന്ന് കർണാടക സർക്കാർ സുപ്രീം കോടതിയിൽ ഉറപ്പ് നൽകിയിരുന്നു.
സംസ്ഥാന സർക്കാർ രണ്ട് പുതിയ സംവരണ വിഭാഗങ്ങൾ പ്രഖ്യാപിക്കുകയും സംഖ്യാപരമായി പ്രബലവും രാഷ്ട്രീയ സ്വാധീനവുമുള്ള രണ്ട് സമുദായങ്ങളായ വൊക്കലിഗകൾക്കും ലിംഗായത്തുകൾക്കുമിടയിൽ നാല് ശതമാനം മുസ്ലീം ക്വാട്ട വിഭജിക്കുകയും ചെയ്യുകയായിരുന്നു. ക്വാട്ടയ്ക്ക് അർഹതയുള്ള മുസ്ലീങ്ങളെ സാമ്പത്തികമായി പിന്നാക്കാം നില്‍ക്കുന്നവർ എന്ന വിഭാഗത്തിലേക്ക് മാറ്റുകയും ചെയ്തിരുന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
