കര്‍ണാടകയിലേത് ദക്ഷിണാഫ്രിക്കയില്‍ നിന്ന് എത്തിച്ച വോട്ടിംഗ് മെഷീനുകളെന്ന് ആരോപണം; മറുപടിയുമായി തിരഞ്ഞെടുപ്പ് കമ്മീഷന്
ബെംഗളൂരു: കര്‍ണാടകയില്‍ നിയമസഭ തിരഞ്ഞെടുപ്പില്‍ ഉപയോഗിച്ചത് ദക്ഷിണാഫ്രിക്കയില്‍ നിന്ന് എത്തിച്ച വോട്ടിംഗ് മെഷീനുകളാണെന്ന കോണ്‍ഗ്രസിന്റെ ആരോപണത്തിന് മറുപടിയുമായി തിരഞ്ഞെടുപ്പ് കമ്മീഷന്. കോണ്‍ഗ്രസ് എംപിയും കര്‍ണാടകയില്‍ കോണ്‍ഗ്രസിന്റെ പ്രചാരണങ്ങള്‍ക്ക് ചുക്കാന്‍ പിടിച്ച നേതാവുമായ രണ്‍ദീപ് സിംഗ് സുര്‍ജേവാലയാണ് ഇത്തരമൊരു ആരോപണം ഉന്നയിച്ചിരുന്നത്. കോണ്‍ഗ്രസ് നേതാവിന്റെ ആരോപണം അതിശയിപ്പിക്കുന്നതാണെന്നും തിരഞ്ഞെടുപ്പ് കമ്മീഷന് വ്യക്തമാക്കി.
തിരഞ്ഞെടുപ്പില്‍ ഉപയോഗിച്ച വോട്ടിംഗ് മെഷീനുകള്‍ എല്ലാം പുതുതായി നിര്‍മിച്ചവയാണ്. ഹൈദരാബാദിലെ ഇലക്ട്രോണിക് കോര്‍പ്പറേഷന്‍ ഓഫ് ഇന്ത്യ ലിമിറ്റഡ് ആണ് ഇവ നിര്‍മ്മിച്ചതെന്നും കമ്മീഷന് വ്യക്തമാക്കി. പരസ്യപ്രചാരണം അവസാനിച്ച ശേഷമായിരുന്നു സുര്‍ജേവാല ആരോപണം ഉന്നയിച്ച് തിരഞ്ഞെടുപ്പ് കമ്മീഷന് കത്തയച്ചത്.
പുതിയ വോട്ടിംഗ് മെഷീനുകളാണ് ഉപയോഗിക്കുന്നതെന്ന കാര്യം മാര്‍ച്ച് 29 ന് തന്നെ കര്‍ണാടകയിലെ തിരഞ്ഞെടുപ്പ് ഓഫീസര്‍ കത്തിലൂടെ കോണ്‍ഗ്രസിനെ ഔദ്യോഗികമായി അറിയിച്ചതണ്. ഇതിന് ശേഷവും അനാവശ്യ ആരോപണം കോണ്‍ഗ്രസ് ഉന്നയിച്ചതിലെ അതൃപ്തിയും കമ്മീഷന് രേഖപ്പെടുത്തി.
കോണ്‍ഗ്രസിന് തെറ്റായ വിവരം നല്‍കിയവരെ പൊതുജനങ്ങള്‍ക്ക് മുമ്പില്‍ തുറന്നുകാട്ടണമെന്നും കമ്മീഷന് ആവശ്യപ്പെട്ടു. ഇത്തരം അഭ്യൂഹങ്ങള്‍ പ്രചരിപ്പിക്കുന്നവരെ നിയമത്തിന് മുന്നിലെത്തിക്കണം. രാജ്യത്തെ തിരഞ്ഞെടുപ്പ് സംവിധാനത്തിലെ ഉത്തരവാദിത്വമുളള ഒരു രാഷ്ട്രീയ പാര്‍ട്ടി എന്ന നിലയിലുളള കോണ്‍ഗ്രസിന്റെ മതിപ്പിന് കോട്ടം തട്ടാതിരിക്കാന്‍ അത് സഹായിക്കുമെന്നും കമ്മീഷന് വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.