കർണാടക മുഖ്യമന്ത്രിയായി സിദ്ധരാമയ്യയുടെ സത്യപ്രതിജ്ഞ 20ന്; ദേവരാജ് അരസിന് ശേഷം കാലാവധി പൂർത്തിയാക്കി ഭരണത്തിൽ തിരിച്ചെത്തുന്ന ആദ്യ നേതാവ്
ബെംഗളൂരു: കർണാടകയുടെ അടുത്ത മുഖ്യമന്ത്രിയായി ശനിയാഴ്ച സത്യപ്രതിജ്ഞ ചെയ്യുന്ന സിദ്ധരാമയ്യയ്ക്ക് ലഭിക്കാനിരിക്കുന്നത് പുതിയ നേട്ടം. ദേവരാജ് അരസിന് ശേഷം (1972-80) കാലാവധി പൂർത്തിയാക്കി വീണ്ടും മുഖ്യമന്ത്രി പദവിയിലെത്തുന്ന ആദ്യ നേതാവാണ് 75-കാരനായ സിദ്ധരാമയ്യ. പാർട്ടി വൃത്തങ്ങളിൽ നിന്ന് പുറത്തുവരുന്ന സൂചനകൾ പ്രകാരം രണ്ട് വർഷത്തേക്കാണ് സിദ്ധരാമയ്യ ഇത്തവണ കർണാടക മുഖ്യമന്ത്രിയാകുന്നത്. എന്നാൽ ഇത്തവണയും അഞ്ച് വർഷക്കാലം സംസ്ഥാന മുഖ്യമന്ത്രിയായാൽ അപൂർവ ബഹുമതിയാകും സിദ്ധരാമയ്യ സ്വന്തമാക്കുക. ദേവരാജിനെ സംബന്ധിച്ചിടത്തോളം ആദ്യ തവണ കാലാവധി പൂർത്തിയാക്കിയെങ്കിലും രണ്ടാം തവണ ഒരു വർഷത്തോളം മാത്രമാണ് കർണാടക മുഖ്യമന്ത്രി പദവിയിലിരുന്നത്.
അടിയന്തരാവസ്ഥക്കാലം കൂടി ഉൾപ്പെടുന്നതായിരുന്നു അദ്ദേഹത്തിന്റെ ആദ്യ ടേം. മുഖ്യമന്ത്രി പദവിയിൽ കാലാവധി പൂർത്തിയാക്കുകയും (2013-18) അടുത്ത തിരഞ്ഞെടുപ്പിൽ പരാജയപ്പെടുകയും വീണ്ടും തിരഞ്ഞെടുപ്പിനെ നേരിട്ട് മുഖ്യമന്ത്രി പദവിയിലെത്തുകയും ചെയ്യുന്ന ആദ്യ വ്യക്തിയും സിദ്ധരാമയ്യയാണ്.
ഇത്തവണയും മുഖ്യമന്ത്രി പദവിയിൽ കാലാവധി പൂർത്തിയാക്കിയാൽ രണ്ട് തവണ കാലാവധി പൂർത്തിയാക്കുന്ന ആദ്യ കർണാടക മുഖ്യമന്ത്രിയാവും സിദ്ധരാമയ്യ. ബി.എസ് യെദിയൂരപ്പ നാല് തവണ മുഖ്യമന്ത്രിയായെങ്കിലും ഒരിക്കൽ പോലും കാലാവധി പൂർത്തിയാക്കാൻ കഴിഞ്ഞിരുന്നില്ല.
ജനതാദൾ എസ് നേതാവായിരുന്ന സിദ്ധരാമയ്യ 2006ലാണ് കോൺഗ്രസിലെത്തിയത്. മറ്റൊരു പാർട്ടിയിൽനിന്ന് കോൺഗ്രസിലെത്തിയ ശേഷം അഞ്ച് വർഷം കാലാവധി പൂർത്തിയാക്കുന്ന ഏക മുഖ്യമന്ത്രിയും സിദ്ധരാമയ്യയാണ്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.