എസ്.എസ്.എഫ് കർണാടക ഗോൾഡൻ ഫിഫ്റ്റി കോൺഫ്രൻസ് സെപ്തംബർ 10 ന്; സിദ്ധരാമയ്യ ഉദ്ഘാടനം ചെയ്യും
ബെംഗളൂരു : സുന്നി സ്റ്റുഡൻസ് ഫെഡറേഷൻ (എസ്.എസ്.എഫ് ) കർണാടകയുടെ അമ്പതാം വാർഷികം ഗോൾഡൻ ഫിഫ്റ്റി കോൺഫറൻസ് സെപ്തംബർ 10 ന് ബെംഗളൂരു പാലസ് ഗ്രൗണ്ടിൽ നടക്കുമെന്ന് സംസ്ഥാന ഭാരവാഹികൾ പത്രസമ്മേളനത്തിൽ അറിയിച്ചു. “നമ്മൾ ഇന്ത്യൻ ജനത” എന്ന പ്രമേയത്തില്‍ നടക്കുന്ന സമ്മേളനം സിദ്ധരാമയ്യ ഉദ്ഘാടനം ചെയ്യും.
കർണാടകയിൽനിന്നുള്ള ഏഴായിരത്തോളം വിദ്യാർഥിപ്രതിനിധികൾ പങ്കെടുക്കും. രാവിലെ പത്ത് മുതല്‍ വൈകുന്നേരം 3 മണി വരെ നടക്കുന്ന ക്യാമ്പില്‍ വിദ്യാഭ്യാസം, ആത്മീയത തുടങ്ങിയ വിഷയങ്ങളിൽ പൊന്മള അബ്ദുൽഖാദർ മുസ്‌ല്യാർ, ഡോ. അബ്ദുൾ ഹക്കീം അസ്ഹരി, തലക്കാട് ചിക്കരൻജെഗൗഡ, എസ്.പി. ഹംസ സഖാഫി, എച്ച്.ഐ. ഇബ്രാഹിംമദനി, ജി.എം. സഖാഫി, എൻ.കെ.എം. ശാഫി സഅദി, അബൂബക്കർ, ഹമീദ് ബജ്‌പെ തുടങ്ങിയവർ ക്ലാസെടുക്കും.
സമാപനസമ്മേളനത്തിൽ ഇന്ത്യൻ ഗ്രാൻഡ് മുഫ്തി കാന്തപുരം എ.പി. അബൂബക്കർ മുസ്‌ല്യാർ മുഖ്യ പ്രഭാഷണം നടത്തും. ഉപമുഖ്യമന്ത്രി ഡി.കെ. ശിവകുമാർ, സ്പീക്കർ യു.ടി. ഖാദർ, ആഭ്യന്തരമന്ത്രി ജി. പരമേശ്വര, വഖഫ് മന്ത്രി സമീർ അഹമ്മദ്, ടി.എൻ. പ്രതാപൻ എം.പി. ഫസൽ കോയമ്മ തങ്ങൾ കൂറത്ത്, കേരള മുസ്‌ലിം ജമാഅത്ത് ജനറൽ സെക്രട്ടറി ഇബ്രാഹിമുൽ ഖലീലുൽ ബുഖാരി, കർണാടക മുസ്‌ലിം ജമാഅത്ത് പ്രസിഡന്റ് മുഹമ്മദ് ഫാസിൽ റസ്വി, അബ്ദുൽഹമീദ് മുസ്‌ല്യാർ എന്നിവർ സംസാരിക്കും.
പത്രസമ്മേളനത്തില്‍ സംസ്ഥാനപ്രസിഡന്റ് ഹാഫിസ് സുഫിയാൻ സഖാഫി, ജനറൽസെക്രട്ടറി സഫ്വാൻ ചിക്കമഗളൂരു, മീഡിയ സെക്രട്ടറി സാദത്ത്‌ ശിവമോഗ, ഹബീബ് നാല, അന്‍വര്‍ അസദി എന്നിവര്‍ പങ്കെടുത്തു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.