ബെംഗളൂരു: മാമ്പഴങ്ങളുടെ കയറ്റുമതിയിൽ റെക്കോർഡ് നേട്ടവുമായി ബെംഗളൂരു കെംപെഗൗഡ അന്താരാഷ്ട്ര വിമാനത്താവളം. മാമ്പഴക്കയറ്റുമതിയിൽ മുൻ വർഷത്തെ അപേക്ഷിച്ച് ഇരട്ടിയിലധികം വർധനയാണ് ഇത്തവണ വിമാനത്താവളത്തിന് ലഭിച്ചത്.
ഇത്തവണ 124 ശതമാനം വർധന രേഖപ്പെടുത്തിയതായി ബെംഗളൂരു ഇന്റർനാഷണൽ എയർപോർട്ട് ലിമിറ്റഡ് (ബി.ഐ.എ.എൽ.) അറിയിച്ചു. 2023ന്റെ ആദ്യപകുതിയിൽ മാത്രം വിമാനത്താവളം വഴി 6,84,648 കിലോഗ്രാം മാമ്പഴമാണ് വിവിധരാജ്യങ്ങളിലേക്ക് കയറ്റിയയച്ചത്. അതേസമയം 2022-ൽ 3,05,521 കിലോഗ്രാം മാമ്പഴമായിരുന്നു കയറ്റുമതി ചെയ്തത്. ഏകദേശം 17 ലക്ഷം മാമ്പഴങ്ങളാണ് ബെംഗളൂരുവിൽ നിന്ന് 60-ലധികം രാജ്യങ്ങളിലേക്ക് കയറ്റുമതി ചെയ്തത്.
വാഷിങ്ടൺ ഡി.സി., സാൻഫ്രാൻസിസ്‌കോ തുടങ്ങിയ നഗരങ്ങളിലേക്കാണ് ഭൂരിഭാഗവും കയറ്റുമതി ചെയ്തിട്ടുള്ളത്. ഇന്ത്യയിൽ നിന്നുള്ള കയറ്റുമതി സുഗമമാക്കുന്നതിൽ ബെംഗളൂരു വിമാനത്താവളം പ്രധാനപങ്കുവഹിക്കുന്നതായി ബി.ഐ.എ.എൽ. ചീഫ് സ്ട്രാറ്റജി ആൻഡ് ഡെവലപ്പ്‌മെന്റ് ഓഫീസർ സത്യകി രഘുനാഥ് പറഞ്ഞു. ഈ വർഷം അവസാനത്തോടെ എക്കാലത്തെയും റെക്കോർഡ് നേട്ടം കയറ്റുമതിയിൽ കൈവരിക്കാൻ സാധിക്കുമെന്ന് പ്രതീക്ഷയുള്ളതായും അദ്ദേഹം വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.