യുക്രെയിന്‍ വിഷയത്തില്‍ ജി20യില്‍ സംയുക്ത പ്രസ്താവനയ്ക്ക് ധാരണ. ഐക്യരാഷ്ട്രസഭയുടെ ചാര്‍ട്ടര്‍ പ്രകാരം യുക്രെയ്ന്‍ വിഷയത്തില്‍ പരിഹാരമുണ്ടാകണമെന്നും ഭക്ഷ്യ- ഊര്‍ജ സുരക്ഷയെ കരുതി സൈനിക നീക്കം പാടില്ലെന്നുമാണ് പ്രഖ്യാപനം. ഐക്യരാഷ്ട്രസഭയുടെ ഷെഡ്യൂൾ പ്രകാരം യുക്രെയ്ന്‍ വിഷയത്തില്‍ പരിഹാരമുണ്ടാകണമെന്ന സംയുക്ത പ്രസ്താവനയ്ക്കാണ് ജി 20യില്‍ ധാരണയായത്. ഒരു രാജ്യത്തിന് നേര്‍ക്കും കടന്ന് കയറ്റം പാടില്ലെന്നും തീരുമാനമായി.
ഭക്ഷ്യ- ഊര്‍ജ സുരക്ഷയെ കരുതി സൈനിക നീക്കവും പാടില്ലെന്ന ഡൽഹി പ്രഖ്യാപനമാണ് ഇന്ത്യ മുന്നോട്ടുവച്ചത്. ഇക്കാര്യത്തില്‍ പൊതുവായ സമവായമാണെന്ന് വിദേശകാര്യമന്ത്രി എസ്. ജയശങ്കറും കേന്ദ്രമന്ത്രി നിര്‍മല സീതാരാമനും വ്യക്തമാക്കി.
അതേസമയം, യുക്രെയിന്‍ വിഷയത്തില്‍ ധാരണയായെങ്കിലും റഷ്യയുടെ പേര് ഉച്ചകോടിയിൽ കേന്ദ്രസർക്കാർ പരാമർശിച്ചിട്ടില്ല. യുക്രെയ്ന്‍ വിഷയത്തെ അപലപിക്കുമ്പോഴും റഷ്യയുടെ പേര് മാറ്റി നിര്‍ത്തിയാണ് കേന്ദ്രം പ്രസ്താവനകൾ നടത്തിയിരിക്കുന്നത്. ഉച്ചകോടിയില്‍ രാവിലെ നടന്ന ഒരു ഭൂമി എന്ന സെഷനില്‍ ജൈവ ഇന്ധനം പ്രോത്സാഹിപ്പിക്കണമെന്ന് പ്രധാനമന്ത്രി ആവശ്യപ്പെട്ടു.
20 ശതമാനം എഥനോള്‍ കലര്‍ന്ന പെട്രോളിലേക്ക് മാറണമെന്നും മോദി ആവശ്യപ്പെട്ടു. ഈ കൂട്ടായ്മയുടെ ഭാഗമാകാന്‍ മോദി ലോക രാഷ്ട്രങ്ങളെ ക്ഷണിച്ചു. ഈ സെഷന് ശേഷം രാത്രിയോടെയാണ് രാഷ്ട്രപതിയുടെ അത്താഴവിരുന്ന്. അത്താഴവിരുന്നിലേക്ക് രാജ്യസഭാ പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെയ്ക്ക് ക്ഷണമില്ലാത്തത് വലിയ പ്രതിഷേധത്തിന് ഇടയാക്കിയിട്ടുണ്ട്. രാജസ്ഥാനിലെയും ചത്തീസ്ഗഡിലെയും കോണ്‍ഗ്രസ് മുഖ്യമന്ത്രിമാരും ഉച്ചകോടിയിൽ പങ്കെടുക്കില്ല.
ആരോഗ്യപ്രശ്നങ്ങൾ മൂലം മുന്‍ പ്രധാനമന്ത്രിമാരായ മന്‍മോഹന്‍ സിംഗ്, എച്ച്. ഡി. ദേവഗൗഡ എന്നിവരും എത്തില്ല. അതേസമയം പ്രതിപക്ഷനിരയില്‍ നിന്നും ബംഗാള്‍ മുഖ്യമന്ത്രി മമത ബാനര്‍ജി, തമിഴ്‌നാട് മുഖ്യമന്ത്രി എം. കെ. സ്റ്റാലിന്‍, ഡൽഹി മുഖ്യമന്ത്രി അരവിന്ദ് കെജ്രിവാള്‍, ജാര്‍ഖണ്ഡില്‍ നിന്നും ഹേമന്ദ് സോറന്‍, ബിഹാറില്‍ നിന്നും നിതീഷ് കുമാര്‍ എന്നിവര്‍ പങ്കെടുക്കും.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
