ബെംഗളൂരു: സംസ്ഥാനത്തെ 195 താലൂക്കുകളെ വരൾച്ച ബാധിതമായി പ്രഖ്യാപിക്കുമെന്ന് റവന്യു മന്ത്രി കൃഷ്ണ ബൈരെ ഗൗഡ അറിയിച്ചു. മുഖ്യമന്ത്രി സിദ്ധരാമയ്യയുടെ അനുമതി ലഭിച്ചാൽ വരൾച്ച ബാധിത താലൂക്കുകളുടെ പട്ടിക വിജ്ഞാപനം ചെയ്യും. സംസ്ഥാനത്ത് 31 ജില്ലകളിലായി ആകെ 236 താലൂക്കുകളുണ്ട്.
കേന്ദ്ര സർക്കാരിന്റെ മാർഗനിർദേശങ്ങൾ അനുസരിച്ച് ഈ താലൂക്കുകളിൽ നടത്തിയ സർവേയെത്തുടർന്ന്, 161 താലൂക്കുകളിൽ കടുത്ത വരൾച്ചയും 34 താലൂക്കുകളിൽ മിതമായ വരൾച്ചയും കണ്ടെത്തിയിട്ടുണ്ട്. മറ്റ് 40 താലൂക്കുകൾ മഴക്കെടുതി നേരിടുന്നുണ്ടെങ്കിലും കേന്ദ്രത്തിന്റെ മാർഗനിർദേശങ്ങൾക്ക് അനുസൃതമായി ഇവയെ വരൾച്ച ബാധിതമായി പ്രഖ്യാപിക്കാൻ സർക്കാരിന് കഴിയില്ലെന്നും അദ്ദേഹം പറഞ്ഞു.
അതേസമയം മിതമായ വരൾച്ച ബാധിച്ച പ്രദേശങ്ങൾക്ക് കേന്ദ്രത്തിന്റെ ഗ്രാന്റ് കിട്ടുമോയെന്ന കാര്യം സംശയമാണ്. എന്നിരുന്നാലും, കർഷകർ ദുരിതത്തിലാണെന്നും അവരുടെ വിളകളുടെ സ്ഥിതി കണക്കിലെടുത്ത്, ഈ പ്രദേശങ്ങളിൽ സംസ്ഥാന സർക്കാർ ഗ്രാന്റ് അനുവദിക്കുമെന്നും മന്ത്രി കൂട്ടിച്ചേർത്തു. അടുത്ത 10 ദിവസത്തിനുള്ളിൽ വരൾച്ച സംബന്ധിച്ച് കേന്ദ്ര സർക്കാരിന് സമർപ്പിക്കേണ്ട മെമ്മോറാണ്ടം തയ്യാറാക്കാൻ ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും ഗൗഡ വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.