വിവേകാന്ദനനെ അപമാനിച്ചതായി പരാതി; മലയാളി വിദ്യാർഥിയെ സസ്പെൻഡ് ചെയ്തു
ബെംഗളൂരു: സ്വാമി വിവേകാനന്ദനെ അനാദരിച്ചെന്ന എ.ബി.വി.പി പ്രവർത്തകരുടെ പരാതിയിൽ മലയാളി വിദ്യാർഥിക്ക് സസ്പെൻഷൻ. കലബുർഗി കേന്ദ്ര സർവകലാശാലയിലെ രണ്ടാം വർഷ ജിയോഗ്രഫി ബിരുദാനന്തര ബിരുദ വിദ്യാർഥി ആദർശ് പി കുമാറിനെതിരെയാണ് സർവകലാശാലയുടെ നടപടി.
സർവകലാശാലയുടെ ഹോസ്റ്റലിന് മുന്നിൽ മാലിന്യം നിക്ഷേപിക്കാനുള്ള ബക്കറ്റുകളിൽ വിവേകാനന്ദൻ്റെ ചിത്രമുള്ള എ.ബി.വി.പിയുടെ പോസ്റ്റർ കഴിഞ്ഞ ദിവസം പ്രത്യക്ഷ്യപ്പെട്ടിരുന്നു. ഇതിൻ്റെ ചിത്രങ്ങൾ ആദർശ് ഇൻസ്റ്റാഗ്രാമിൽ പങ്കുവെച്ചതോടെയാണ് സംഭവങ്ങളുടെ തുടക്കം. ചിത്രം പങ്കുവെച്ചതിന് പിന്നാലെ എ.ബി.വി.പി പ്രവർത്തകർ തന്നെ ഭീഷണിപ്പെടുത്തിയതായി അരോപിച്ച് ആദർശ് നരോണ പോലീസിൽ പരാതി നൽകിയിരുന്നു. അതേ സമയം വിവേകാനന്ദനെ അപമാനിച്ചെന്ന് ആരോപിച്ച് എ.ബി.വി.പി പ്രവർത്തകരും ആദർശിനെതിരെ പരാതി നൽകി.
എ.ബി.വി.പിയുടെ ആരോപണത്തെ തുടര്‍ന്നുയ് വ്യാഴാഴ്ച രാത്രിയോടെ ആദർശിനെ സർവകലാശാല അധികൃതർ സസ്പെൻഡ് ചെയ്യുകയായിരുന്നു. രാജ്യദ്രോഹ കുറ്റമാണ് ആദർശ് ചെയ്തതെന്നാണ് എ.ബി.വി.പിയുടെ ആരോപണം
അതേസമയം സർവകലാശാലയുടെ നടപടിയിൽ പ്രതിഷേധവുമായി വിദ്യാർഥികൾ രംഗത്തെത്തി. ആദർശിന്റെ സസ്പെൻഷൻ ഉത്തരവ് പിൻവലിക്കണമെന്ന് വൈസ് ചാൻസലർ ബട്ടു സത്യനാരായണനോട് ആവശ്യപ്പെട്ട് വിദ്യാർഥികളുടെ സംഘം അഡ്മിനിസ്‌ട്രേറ്റീവ് മന്ദിരത്തിന് പുറത്ത് പ്രകടനവും നടത്തി. എസ്.എഫ്.ഐ, അംബേദ്ക്കർ സ്റ്റുഡൻസ് അസോസിയേഷൽ (എ.എസ്.എ) എന്നീ സംഘടനകളുടെ നേതൃത്വത്തിലാണ് പ്രതിഷേധം. പരാതി വ്യാജമാണെന്നും ആദർശിനോട് വിശദീകരണം പോലും ചോദിക്കാതെയാണ് നടപടിയെന്നും വിദ്യാർഥികൾ പറഞ്ഞു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.