ബെംഗളൂരു: വിജയപുര വിമാനത്താവളം ഫെബ്രുവരിയില്‍ പ്രവര്‍ത്തനമാരംഭിച്ചേക്കുമെന്ന് സംസ്ഥാന വാണിജ്യ വ്യവസായ മന്ത്രി എം.ബി. പാട്ടീല്‍. വിജയപുര ജില്ലയുടെ ചുമതലയുള്ള മന്ത്രി കൂടിയായ എം ബി പാട്ടീല്‍ വ്യാഴാഴ്ച ബെംഗളൂരുവില്‍ ഇന്‍ഫ്രാസ്ട്രക്ചര്‍ ഡെവലപ്മെന്റ് ഡിപ്പാര്‍ട്ട്മെന്റുമായി ബന്ധപ്പെട്ട വിവിധ വികസന പ്രവര്‍ത്തനങ്ങള്‍ അവലോകനം ചെയ്യുകയും നിലവിലുള്ള പദ്ധതികള്‍ നടപ്പിലാക്കാന്‍ ‘വേഗത്തിലുള്ള നടപടികള്‍’ സ്വീകരിക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കുകയും ചെയ്തു. നവംബറോടെ വിമാനത്താവളത്തിന്റെ നിര്‍മാണ പ്രവര്‍ത്തനങ്ങള്‍ പൂര്‍ത്തിയാക്കാന്‍ ഉദ്യോഗസ്ഥന്‍മാര്‍ക്ക് നിര്‍ദേശം നല്‍കിയതായും മന്ത്രി പറഞ്ഞു. ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ അനുമതി ഫെബ്രുവരിക്കു മുമ്പായി നേടിയെടുക്കാനും മന്ത്രി ഉദ്യോഗസ്ഥന്‍മാര്‍ക്ക് നിര്‍ദേശം നല്‍കിയിട്ടുണ്ട്.
ശിവമോഗ വിമാനത്താവളം ഫെബ്രുവരിയിൽ പ്രധാനമന്ത്രി നരേന്ദ്രമോദി ഉദ്ഘാടനം ചെയ്തുവെങ്കിലും ഓഗസ്റ്റ് 31 ന് മാത്രമാണ് വിമാന സര്‍വീസ് ആരംഭിച്ചത്. എന്നാല്‍ വിമാനത്താവളം ഉദ്ഘാടനം ചെയ്യുന്ന ദിവസം തന്നെ വിമാന സര്‍വീസുകള്‍ ആരംഭിക്കണമെന്ന് പാട്ടീൽ പറഞ്ഞു.
ജില്ലയിലെ മാധബാവി ഗ്രാമത്തില്‍ 727 ഏക്കര്‍ സ്ഥലത്താണ് വിമാനത്താവളം നിര്‍മിക്കുന്നത്.
347 കോടി രൂപയാണ് നിര്‍മാണ ചെലവ്. 2020 ലാണ് നിര്‍മാണം ആരംഭിച്ചത്. നിലവില്‍, വിജയപുരയ്ക്ക് ഏറ്റവും അടുത്തുള്ള വിമാനത്താവളങ്ങള്‍ ബെലഗാവിയും ഹുബ്ബള്ളിയുമാണ്, ഇവ രണ്ടും ഏകദേശം 200 കിലോമീറ്റര്‍ അകലെയാണ്. ഇവിടെ നിന്നും ജില്ലയിലേക്ക് എത്തിച്ചേരാന്‍ നാല് മണിക്കൂറിലധികം എടുക്കുന്നുണ്ട്. വിമാനത്താവളം പ്രവര്‍ത്തനക്ഷമമാകുന്നതോടെ വിജയപുര, ബാഗല്‍കോട്ട് എന്നിവിടങ്ങളിലെക്കുള്ള യാത്രയ്ക്ക് സഹായകമാകും.
എയര്‍പോര്‍ട്ട് ഡയറക്ടര്‍, ടെര്‍മിനല്‍ മാനേജര്‍ തുടങ്ങിയ ആവശ്യമായ ജീവനക്കാരോടൊപ്പം സെക്യൂരിറ്റി, ഫയര്‍ സേഫ്റ്റി ജീവനക്കാരെ നിയമിക്കുന്നതിനുള്ള നടപടികള്‍ ആരംഭിക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കിയതായും മന്ത്രി പറഞ്ഞു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.