ബെംഗളൂരു: ലോക കോഫി സമ്മേളനത്തിന് ഇന്ന് ബെംഗളൂരുവിൽ തുടക്കമാകും. പാലസ് ഗ്രൗണ്ടിൽ വൈകുന്നേരം 3 ന് കേന്ദ്രമന്ത്രി പീയുഷ് ഗോയൽ ഉദ്ഘാടനം ചെയ്യും. പാപ്പുവ ന്യൂ ഗിനിയ കോഫി വികസനമന്ത്രി ജോ കൂലി, ഇൻ്റർനാഷണൽ കോഫി കൗൺസിൽ ചെയർമാൻ മാസിമില്ലാനോ ഫാബിയൻ എന്നിവർ ചടങ്ങിൽ പങ്കെടുക്കും. നാല് ദിവസം നീളുന്ന സമ്മേളനത്തിൽ 80 രാജ്യങ്ങളുടെ പ്രതിനിധികൾ പങ്കെടുക്കുന്നുണ്ട്. ഏഷ്യയിൽ ആദ്യമായിട്ടാണ് നടക്കുന്ന കോഫി സമ്മേളനം നടക്കുന്നത്.
ഇന്റർനാഷണൽ കോഫി ഓർഗനൈസേഷനിൽ അംഗങ്ങളായ രാജ്യങ്ങളുടെ പ്രതിനിധികൾ, കാപ്പി ഉത്പാദകർ, കാപ്പി വ്യവസായവുമായി ബന്ധപ്പെട്ട് പ്രവർത്തിക്കുന്നവർ, ഗവേഷകർ, വിദ്യാർഥികൾ എന്നിവർ പങ്കെടുക്കും. കേരളമുൾപ്പെടെയുള്ള സംസ്ഥാനങ്ങളിൽനിന്നുള്ള കാപ്പി കർഷകർ പങ്കെടുക്കും.
കാപ്പി ഉത്പാദന വ്യവസായ മേഖലകളുടെ സമഗ്രമായ വികസനം ലക്ഷ്യമിട്ടാണ് ലോക കോഫി സമ്മേളനം നടത്തുന്നത്. സംസ്ഥാനത്തെ വിവിധ ഇടങ്ങളിലെ കാപ്പിത്തോട്ടങ്ങൾ സന്ദർശിക്കാൻ സന്ദർശകർക്ക് അവസരം ഒരുക്കുന്നുണ്ട്. സമ്മേളന നഗരിയിൽ 208 പ്രദർശന സ്റ്റാളുകൾ, സെമിനാറുകൾ, ബിസിനസ് മീറ്റുകൾ, കോഫി ടേസ്റ്റിങ് മത്സരം എന്നിവ ഏർപ്പെടുത്തിയിട്ടുണ്ട്.
കോഫി ബോർഡ് ഓഫ് ഇന്ത്യ, കേന്ദ്ര വാണിജ്യ വ്യവസായ മന്ത്രാലയം, കർണാടക സർക്കാർ എന്നിവയുമായി സഹകരിച്ച് ഇന്റർനാഷണൽ കോഫി ഓർഗനൈസേഷനാണ് (ഐ.സി.ഒ.) സമ്മേളനം സംഘടിപ്പിക്കുന്നത്. ടെന്നീസ് താരം രോഹൻ ബൊപ്പണ്ണയാണ് കോഫി സമ്മേളനത്തിന്റെ ബ്രാൻഡ് അംബാസഡർ. ആഗോള കാപ്പി വ്യവസായ മേഖല നേരിടുന്ന വെല്ലുവിളികൾ സമ്മേളനത്തിൽ ചർച്ചയാകും. ഇംഗ്ലണ്ട് (2001), ബ്രസീൽ (2005), ഗ്വാട്ടിമാല (2010), എത്യോപ്യ (2016) എന്നീ രാജ്യങ്ങളിലാണ് മുമ്പ് സമ്മേളനം നടന്നിട്ടുള്ളത്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.