ബെംഗളൂരു: ബെംഗളൂരുവിലെ വിവിധ ക്രൈസ്തവ സഭാ വിശ്വാസികളുടെയും മിഷനറി പ്രവര്‍ത്തകരുടെയും ഐക്യകൂട്ടായ്മയായ ബാംഗ്ലൂര്‍ യുണൈറ്റഡ് ക്രിസ്ത്യന്‍സിന്റെ നേതൃത്വത്തില്‍ ലിംഗരാജപുരം ഇന്ത്യാ ക്യാംപസ് ക്രൂസൈഡ് ഓഡിറ്റോറിയത്തില്‍ നടത്തിയ ഭക്തസംഗീതം സംഗീതസായാഹ്നം വേറിട്ട അനുഭവമായി. 250 ല്‍ പരം ഗാനങ്ങള്‍ക്ക് തൂലിക ചലിപ്പിക്കുകയും 300-ല്‍ അധികം ഗാനങ്ങള്‍ക്ക് സംഗീതം പകരുകയും ചെയ്ത അന്തരിച്ച പാസ്റ്റര്‍ ഭക്തവത്സലന്റ ഗാനങ്ങള്‍ കോര്‍ത്തിണക്കിയായിരുന്നു പരിപാടി.
ഇമ്മാനുവേല്‍ ഹെന്‍ട്രി പാടിയ ഭക്തവത്സലന്‍ രചിച്ച ജന്മംകൊണ്ട പാടുവാന്‍ എനിക്കില്ലിനി ശബ്ദം, പാവനനേ നിന്‍ സ്തുതികളല്ലാതെ ‘ എന്ന ഗാനത്തോടെ പരിപാടി ആരംഭിച്ചു. ക്രൈസ്തവ ഗായകരായ ബിനു ചാരുത, ബിനോയ് കുര്യന്‍, രഞ്ജിത്ത്, ഫ്രാന്‍സി ജോണ്‍, സിസ്റ്റര്‍ സാന്‍സി ജോസ്, സിസ്റ്റര്‍ സോണി ബെറിള്‍, ഭക്തവത്സലന്റെ ഭാര്യ സിസ്റ്റര്‍ ബീനാ ഭക്തന്‍, മകന്‍ ബിബിന്‍ മാത്യൂ എന്നിവര്‍ ഗാനങ്ങള്‍ ആലപിച്ചു. ജനറല്‍ കണ്‍വീനര്‍ പാസ്റ്റര്‍ ജോസ് മാത്യൂ അധ്യക്ഷത വഹിച്ചു. റവ.ജോയ് ജോണ്‍ അവതാരകനായിരുന്നു. ബ്രദര്‍ ചാക്കോ കെ. തോമസ് പാസ്റ്റര്‍ ഭക്തവത്സലന്‍ അനുസ്മരണം നടത്തി.
സിസ്റ്റര്‍ ബീനാ ഭക്തനെ ബ്രദര്‍.സ്റ്റീഫന്‍ വര്‍ഗീസ് ആദരിച്ചു. ചര്‍ച്ച് ഓഫ് ഗോഡ് കര്‍ണാടക സ്റ്റേറ്റ് അസി. ഓവര്‍സിയര്‍ പാസ്റ്റര്‍ ഇ.ജെ.ജോണ്‍സണ്‍ അനുഗ്രഹ പ്രാര്‍ഥന നടത്തി. കലാകാരന്മാരായ ബെറില്‍ ജോണ്‍, അഗസ്റ്റിന്‍ സാണ്ടി, നെല്‍സണ്‍, ലാല്‍ പ്രസാദ്, ജെയ്സണ്‍ തോമസ്, റോയ് പീറ്റര്‍, ജോമോന്‍ കോട്ടയം, സാം എന്നിവര്‍ പശ്ചാത്തലസംഗീതമൊരുക്കി. വിവിധ ക്രൈസ്തവ സഭാ നേതാക്കള്‍, മിഷനറി പ്രവര്‍ത്തകര്‍, വിശ്വാസികള്‍, ഭക്തവത്സലന്റെ കുടുംബാംഗങ്ങള്‍ എന്നിവര്‍ പങ്കെടുത്തു.
പാസ്റ്റര്‍ വിബിന്‍ ആന്‍ഡ്രൂസിന്റെ പ്രാര്‍ഥനയോടെ ആരംഭിച്ച പരിപാടിയില്‍ ജോയിന്റ് കണ്‍വീനര്‍മാരായ പാസ്റ്റര്‍ ജോസഫ് ജോണ്‍ സ്വാഗതവും ബ്രദര്‍.ബിജു മാത്യു നന്ദിയും പറഞ്ഞു. പാസ്റ്റര്‍ സിബി ജേക്കബിന്റെ പ്രാര്‍ഥനയോടും പാസ്റ്റര്‍ ജോസ് മാത്യൂവിന്റെ ആശീര്‍വാദത്തോടെയും പരിപാടി സമാപിച്ചു. ഗുഡ്ന്യൂസ് ലൈവ് പരിപാടിയുടെ തത്സമയ സംപ്രേഷണം നടത്തി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.