തിരുവനന്തപുരം: കെ.എസ്.ആർ.ടിസി ഡ്രൈവർക്കും കണ്ടക്ടർക്കും വീണ്ടും കാക്കി യൂണിഫോം . ഡിസംബറിൽ പുതിയ യൂണിഫോം വിതരണം തുടങ്ങും. നിലവിലെ ആകാശ നീല ഷർട്ടും നീല പാന്റുമാണ് മാറ്റുന്നത്. ജോലിക്ക് ഇണങ്ങുന്നത് കാക്കി പാന്റ്സും ഷർട്ടുമാണെന്ന് ജീവനക്കാരുടെ യൂണിയനുകൾ പറഞ്ഞിരുന്നു. ഇരുപതിനായിരത്തിലേറെ ജീവനക്കാർക്ക്‌ യൂണിഫോം നൽകും. വർഷങ്ങൾക്കു ശേഷമാണ്‌ പഴയ കാക്കി യൂണിഫോമിലേക്ക്‌ തിരിച്ചുവരുന്നത്‌.
രണ്ടുജോടി യൂണിഫോം ജീവനക്കാർക്ക്‌ സൗജന്യമായി നൽകും. മെക്കാനിക്കൽ വിഭാഗം ജീവനക്കാർക്ക്‌ നിലവിലെ നീല യൂണിഫോം തുടരും. പത്തുവർഷത്തിനിടെ ഇതാദ്യമായാണ്‌ സൗജന്യമായി കെഎസ്‌ആർടിസി യൂണിഫോം നൽകുന്നത്‌. ഇതിനായി മൂന്നുകോടി രൂപയാണ്‌ ചെലവ്‌. നാഷണൽ ടെക്‌സ്‌റ്റൈൽ കോർപറേഷനിൽനിന്നാണ്‌ യൂണിഫോമിനുള്ള തുണി എടുക്കുന്നത്‌. ഇതിനുള്ള ടെൻഡർ നടപടിയായി. പോലീസ് യൂണിഫോമിനുള്ള ഗുണനിലവാരത്തിലുള്ളതാണ്‌ തുണി. കെഎസ്‌ആർടിസി സ്വിഫ്‌റ്റിലെ കണ്ടക്ടർമാർക്കും ഡ്രൈവർമാർക്കും ഇളം ഓറഞ്ച്‌ ഷർട്ടും കറുത്ത നിറത്തിലുള്ള പാന്റ്സും തുടരും.
2016ലാണ് കാക്കി മാറ്റി നീല യൂണിഫോം വന്നത്. നീല യൂണിഫോം പെട്ടെന്ന് അഴുക്കാകുന്നുവെന്നാണ് ചർച്ചയിൽ സംഘടനാ നേതാക്കൾ ചൂണ്ടിക്കാട്ടിയത്.
അതേസമയം പോലീസിന്റേതിന് സമാനമായ കാക്കി മറ്റ് വകുപ്പുകളിലെ ജീവനക്കാർ ധരിക്കുന്നത് നിറുത്തലാക്കണമെന്ന പോലീസ് മേധാവിയുടെ ശുപാർശ സർക്കാരിന്റെ പരിഗണനയിലിരിക്കേയാണ് കെ.എസ്.ആർ.ടി.സി വീണ്ടും കാക്കിയിലേക്ക് പോകുന്നത്. എന്നാല്‍ കെ.എസ്.ആർ.ടി.സി എടുത്ത തീരുമാനത്തെ എതിർത്ത് പോലീസ് രംഗത്ത് വന്നിട്ടില്ലെന്ന് കെ.എസ്.ആർ.ടി.സി മാനേജ്മെന്റ് അറിയിച്ചു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.