ബെംഗളൂരു: തമിഴ്നാടുമായുള്ള കാവേരി ജലതർക്കത്തിന്റെ പശ്ചാത്തലത്തിൽ കന്നഡ സംഘടനകൾ ഇന്ന് ആഹ്വാനം ചെയ്ത കർണാടക ബന്ദിന് പിന്തുണ അറിയിച്ച് കന്നഡ സിനിമ താരങ്ങൾ. കന്നഡ നടൻമാരായ ശിവരാജ്കുമാർ, ധ്രുവ സർജ, പ്രജ്വൽ ദേവരാജ്, അജയ് റാവു എന്നിവർ ബന്ദിൽ അണിനിരക്കുമെന്ന് കർണാടക ഫിലിം ചേംബർ ഓഫ് കൊമേഴ്‌സ് പ്രസിഡന്റ് എൻ.എം. സുരേഷ് അറിയിച്ചു. ബെംഗളൂരുവിൽ നടക്കുന്ന റാലിയിലും നടന്മാർ പങ്കെടുക്കും.
സിനിമയുമായി ബന്ധപ്പെട്ട ഒരു പ്രവർത്തനവും ഇന്ന് നടക്കില്ലെന്നും അദ്ദേഹം അറിയിച്ചു. കന്നഡ സിനിമ മേഖലയിൽ നിന്നുള്ള 70ലധികം പേർ ഇന്ന് ഫ്രീഡം പാർക്കിൽ നടക്കുന്ന പ്രതിഷേധ റാലിയിൽ പങ്കെടുക്കും. വൈകീട്ട് ആറിന് ബന്ദ് അവസാനിച്ച ശേഷമേ തിയേറ്ററുകൾ പ്രവർത്തിക്കുകയുള്ളൂവെന്ന് കർണാടക ഫിലിം എക്സിബിറ്റേഴ്‌സ് അസോസിയേഷൻ അറിയിച്ചു.
അതേസമയം ബന്ദിന്റെ പശ്ചാത്തലത്തിൽ മാണ്ഡ്യയിലെ കാവേരീനദിക്കരയിൽ കന്നഡ സംഘടനാപ്രവർത്തകരും കർഷകരും പ്രതിഷേധിക്കും. വ്യാഴാഴ്ചയും കർഷക സംഘടനകൾ ഇവിടെ പ്രതിഷേധം നടത്തിയിരുന്നു. കാവേരി വിഷയത്തിൽ വേണ്ടരീതിയിൽ ഇടപെടാത്തതിൽ സംസ്ഥാനത്തെ എം.പി.മാർക്കെതിരേ ബെംഗളൂരുവിൽ വനിതകളുടെ പ്രതിഷേധം നടന്നു. കർണാടക രക്ഷണ വേദികെയുടെ വനിതാവിഭാഗമാണ് പ്രതിഷേധം നടത്തിയത്. എം.പി.മാരുടെ ചിത്രങ്ങളുള്ള പ്ലക്കാർഡുകളുമായാണ് പ്രവർത്തകരെത്തിയത്. അതേസമയം പ്രതിഷേധം ശക്തമായതോടെ കർശന സുരക്ഷയാണ് സംസ്ഥാനത്തുടനീളം ക്രമീകരിച്ചിട്ടുള്ളതെന്ന് എഡിജിപി അലോക് കുമാർ അറിയിച്ചു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.