അത്തിബലെ തീപിടിത്തം; മരണസംഖ്യ 13 ആയി, മരിച്ചവരുടെ കുടുംബത്തിന് 5 ലക്ഷം രൂപ നഷ്ടപരിഹാരം പ്രഖ്യാപിച്ചു
ബെംഗളൂരു: കർണാടക- തമിഴ്നാട് അതിർത്തിയിലെ അത്തിബലെയിൽ പടക്കക്കടയിലുണ്ടായ വൻ തീപിടിത്തത്തിൽ മരിച്ചവരുടെ എണ്ണം 13 ആയി ഉയർന്നു. കൊല്ലപ്പെട്ടവരി ഭൂരിഭാഗവും തമിഴ്നാട് കിള്ളികുറിശ്ശി സ്വദേശികളെന്നാണ് വിവരം. മൃതദേഹങ്ങൾ ഹൊസ്കോട്ട സർക്കാർ ആശുപത്രിയിലേക്ക് മാറ്റിയിട്ടുണ്ട്. കടയുടമ അടക്കം ഏഴുപേർക്ക് പൊള്ളലേറ്റു. ശനിയാഴ്ച്ച വൈകിട്ട് 3.30 ഓടെയാണ് അപകടം സംഭവിച്ചത്. തീപിടിത്തം ഉണ്ടാകുമ്പോൾ കടയിൽ 20 ഓളം പേർ ജോലി ചെയ്യുകയായിരുന്നു. രാത്രി 9 ഓടെയാണ് തീയണച്ചത്. പടക്കക്കടയുടെ സമീപത്ത് ഉണ്ടായിരുന്ന ഏഴ് ഇരുചക്രവാഹനങ്ങളും ഒരു കണ്ടെയ്‌നർ ലോറിയും മറ്റ് മൂന്ന് വാഹനങ്ങളും കത്തിനശിച്ചു.
അപകടത്തിൽ മുഖ്യമന്ത്രി സിദ്ധരാമയ്യ അനുശോചനം രേഖപ്പെടുത്തി. മുഖ്യമന്ത്രി ഇന്ന് അപകടസ്ഥലം സന്ദര്‍ശിക്കും. ഉപമുഖ്യമന്ത്രി ഡി.കെ. ശിവകുമാർ ശനിയാഴ്ച രാത്രിയോടെ സംഭവസ്ഥലം സന്ദർശിച്ചിരുന്നു. അപകടത്തിൽ 13 പേർ മരിച്ചതായി അദ്ദേഹം പറഞ്ഞു. സംഭവത്തെക്കുറിച്ച് മുഖ്യമന്ത്രിയുമായി ഫോണിൽ സംസാരിച്ചു. മരിച്ചവരുടെ കുടുംബത്തിന് സർക്കാർ 5 ലക്ഷം രൂപ വീതം നഷ്ടപരിഹാരം നൽകുമെന്നും ശിവകുമാർ പറഞ്ഞു. അപകടത്തെക്കുറിച്ച് പോലീസ് സമഗ്രമായ അന്വേഷണം നടത്തിവരികയാണ്. തീപിടിത്തം തടയുന്നതിനുള്ള നിയമങ്ങൾ പാലിച്ചിട്ടുണ്ടോയെന്നും പരിശോധിക്കും. ദീപാവലി അടുത്തിരിക്കെ, സംസ്ഥാനത്തുടനീളമുള്ള പടക്കക്കടകളിലും ഗോഡൗണുകളിലും അഗ്നിബാധ നിയന്ത്രണ നിയമങ്ങൾ പാലിക്കുന്നത് സംബന്ധിച്ച് മുൻകരുതൽ നടപടികൾ സ്വീകരിക്കാൻ പോലീസ് ഉദ്യോഗസ്ഥർക്ക് നിർദ്ദേശം നൽകിയിട്ടുണ്ടെന്നും ശിവകുമാർ കൂട്ടിച്ചേർത്തു.
Karnataka govt announces compensation of Rs 5 lakh to kin of deceased in fire incident in Attibele
Read @ANI Story | https://t.co/ePjpxk4mHb#Karnataka #compensation #attibele pic.twitter.com/UKQEYVkaCC
— ANI Digital (@ani_digital) October 8, 2023
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
