ബെംഗളൂരു: തമിഴ്നാടിന് അടുത്ത 15 ദിവസത്തേക്ക് കാവേരി ജലം വിട്ടുനൽകണമെന്ന കാവേരി വാട്ടർ മാനേജ്മെന്റ് അതോറിറ്റിയുടെ ശുപാർശയ്‌ക്കെതിരെ ബെംഗളൂരുവിൽ പ്രതിഷേധ മാർച്ചിന് ആഹ്വാനം ചെയ്ത് കന്നഡ സംഘടനകൾ. വട്ടൽ നാഗരാജിന്റെ നേതൃത്വത്തിലാണ് പ്രതിഷേധ മാർച്ച്‌ നടക്കുക. തമിഴ്നാടിന് കാവേരി നദീജലം വിട്ടുനൽകുന്നത് അടിയന്തരമായി നിർത്തണമെന്നതാണ് സംഘടനകളുടെ ആവശ്യം.
കാവേരി വാട്ടർ മാനേജ്മെന്റ് അതോറിറ്റിയുടെ ഉത്തരവ് പ്രകാരം കർണാടക 15 ദിവസത്തേക്ക് 3000 ക്യുസെക്‌സ് കാവേരി ജലം തമിഴ്നാടിന് വിട്ടുനൽകിയിരുന്നു. എന്നാൽ ഇത് അടുത്ത 15 ദിവസത്തേക്ക് തുടരണമെന്നാണ് അതോറിറ്റിയുടെ നിർദേശം. ഇത് സംസ്ഥാനത്തോട് കാട്ടുന്ന അനീതിയാണെന്ന് സംഘടനകൾ അഭിപ്രായപ്പെട്ടു.
കാവേരി നദീജല പ്രശ്നത്തിൽ ബെംഗളൂരു റൂറൽ ഹോസ്‌കോട്ടിൽ കന്നഡ അനുകൂല സംഘടനകൾ ചൊവ്വാഴ്ചയും പ്രതിഷേധ പ്രകടനം നടത്തിയിരുന്നു. തമിഴ്‌നാടിനെ ആന്ധ്രാപ്രദേശുമായി ബന്ധിപ്പിക്കുന്ന ഹോസ്‌കോട്ട് ടോളിന് സമീപം ദേശീയപാത ഉപരോധിച്ചായായിരുന്നു പ്രതിഷേധം. ദേശീയപാത ഉപരോധിച്ചതിന് ചില പ്രവർത്തകരെ പോലീസ് കസ്റ്റഡിയിലെടുക്കുകയും ചെയ്തിരുന്നു.
നേരത്തെ ഒക്ടോബർ അഞ്ചിന് കാവേരി നദീജല പ്രശ്നത്തിൽ പ്രതിഷേധിച്ച കന്നഡ അനുകൂല സംഘടനകളെ മാണ്ഡ്യ പോലീസ് കസ്റ്റഡിയിലെടുത്തിരുന്നു. കാവേരി നദീജലം പങ്കുവയ്ക്കുന്നതുമായി ബന്ധപ്പെട്ട് കർണാടക, തമിഴ്നാട് സർക്കാരുകൾ തമ്മിൽ കടുത്ത തർക്കമാണ് നിലനിൽക്കുന്നത്. രണ്ട് സംസ്ഥാനങ്ങളിലെ ജനങ്ങളുടെ പ്രധാന ഉപജീവനമാർഗമായാണ് നദിയെ കാണുന്നത്. സെപ്റ്റംബർ 28 മുതൽ ഒക്ടോബർ 15 വരെ ബിലിഗുണ്ട്ലുവിൽ 3000 ക്യുസെക്‌സ് കാവേരി ജലം വിട്ടുനൽകണമെന്ന് കാവേരി വാട്ടർ റെഗുലേഷൻ കമ്മിറ്റി കർണാടകയോട് ഉത്തരവിട്ടിരുന്നു. ഉത്തരവിനെതിരെ കർണാടക സുപ്രീം കോടതിയിലും സിഡബ്ല്യുഎംഎയിലും (കാവേരി വാട്ടർ മാനേജ്മെന്റ് അതോറിറ്റി) പുനപരിശോധനാ ഹർജി നൽകിയിട്ടുണ്ട്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
