ശ്രീഹരിക്കോട്ട: ബഹിരാകാശ മനുഷ്യദൗത്യമായ ഗഗൻയാൻ പദ്ധതിയുടെ ആദ്യ പരീക്ഷണ ദൗത്യം ഇന്ന് രാവിലെ എട്ടുമണിക്ക് നടക്കും. ദൗത്യമാതൃകയിൽ തയ്യാറാക്കിയ റോക്കറ്റും സഞ്ചാരികളുടെ പേടകവും ഭൂമിയിൽ നിന്ന് 17കിലോമീറ്റർ ഉയരത്തിലെത്തിച്ച് പുറത്തേക്ക് തള്ളിയിടുകയും സുരക്ഷിതമായി താഴെ എത്തിക്കുകയും ചെയ്യുന്നതാണ് ദൗത്യം. ശ്രീഹരിക്കോട്ടയിലെ ഒന്നാം വിക്ഷേപണ തറയിൽ നിന്ന് വിക്ഷേപിക്കുന്ന പേടകം ബംഗാൾ ഉൾക്കടലിൽ ഇറക്കിയാണ് പരീക്ഷണം നടത്തുന്നത്. പേടകം വിക്ഷേപിച്ച് ഒൻപതാമത്തെ മിനിറ്റിലാണ് സമുദ്രോപരിതലത്തിൽ എത്തുക.
മനുഷ്യപേടകം ബഹിരാകാശത്ത് എത്തിയശേഷം അപകടമുണ്ടായാൽ സഞ്ചാരികളെ സുരക്ഷിതരായി ഭൂമിയിൽ എത്തിക്കുന്ന സംവിധാനമായ ക്രൂ എസ്കേപ്പ് സിസ്റ്റത്തിന്റെ ആദ്യ പരീക്ഷണമാണിത്. ഇത്തരത്തിൽ നാലു പരീക്ഷണങ്ങൾ നടത്തും. ടെസ്റ്റ് വെഹിക്കിൾ അബോർട്ട് മിഷൻ (ടി.വിഡി.1) എന്നാണ് ഇതിനെ പറയുന്നത്.
ദൗത്യത്തിനായി വികസിപ്പിച്ചെടുത്ത സിംഗിൾ സ്റ്റേജ് ലിക്വിഡ് റോക്കറ്റും ക്രൂ മൊഡ്യൂൾ (സി.എം), ക്രൂ എസ്‌കേപ് സിസ്റ്റം (സി.ഇ.എസ്) എന്നിവയാണ് ഇന്ന് ഉപയോഗിക്കുന്നത്. ക്രൂ എസ്‌കേപ് സിസ്റ്റത്തിന്റെ ഭാഗമായ ഡ്രോഗ് പാരച്യൂട്ടിന്റെ പരീക്ഷണം ഓഗസ്റ്റിൽ ചണ്ഡീഗഡിലും സർവീസ് മൊഡ്യൂൾ പ്രൊപ്പൽഷൻ സംവിധാനത്തിന്റെ (എസ്.എം.പി.എസ്) രണ്ടു പരീക്ഷണങ്ങളും സർവീസ് മൊഡ്യൂൾ പ്രൊപ്പൽഷൻ സിസ്റ്റത്തിന്റെ പരീക്ഷണം ജൂലായിൽ മഹേന്ദ്രഗിരിയിലും പൂർത്തിയാക്കിയിരുന്നു. 2025ലാണ് ഗഗൻയാൻ വിക്ഷേപിക്കുന്നത്.
പരീക്ഷണ വിക്ഷേപണത്തിന്റെ തത്സമയ സ്ട്രീമിങ് വിവിധ പ്ലാറ്റ്‌ഫോമുകളില്‍ നടത്തും. ഇസ്രോയുടെ ഫേസ്ബുക്ക്, യൂട്യൂബ്, വെബ്‌സൈറ്റ് എന്നിവിടങ്ങളില്‍ തത്സമയ സ്ട്രീമിങ് ഉണ്ടാവും. ഡിഡി നാഷണല്‍ ചാനലിലും തത്സമയ സംപ്രേഷണം ഉണ്ടാവും.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.