ബെംഗളൂരു: വൈദ്യുതി പ്രതിസന്ധിക്കെതിരെ വ്യത്യസ്ത രീതിയിലുള്ള പ്രതിഷേധവുമായി കർണാടകയിലെ കർഷകർ. വിജയപുര ജില്ലയിലെ പവർ സ്റ്റേഷനിൽ മുതലയുമായി എത്തിയാണ് കർഷകർ പ്രതിഷേധിച്ചത്. വിജയപുരയിളെ ഹുബ്ബള്ളി ഇലക്‌ട്രിസിറ്റി സപ്ലൈ കമ്പനി ലിമിറ്റഡ് (ഹെസ്‌കോം) ഓഫീസിലാണ് ഒരു കൂട്ടം കർഷകർ ട്രാക്ടറിന്റെ ട്രോളിയിൽ മുതലയുമായി എത്തിയത്.
വൈദ്യുതി ഇല്ലാതെ രാത്രിയിൽ ആരെങ്കിലും പാമ്പോ തേളോ മുതലയോ കടിച്ചു മരിച്ചാൽ എന്ത് നടപടി സ്വീകരിക്കുമെന്ന് ചോദിച്ചുകൊണ്ടായിരുന്നു കർഷകർ ഹെസ്‌കോം ഓഫീസിൽ പ്രതിഷേധിച്ചത്. കർഷകർ മുതലയെ ഉദ്യോഗസ്ഥർക്ക് മുന്നിൽ ഹാജരാക്കി, തങ്ങളുടെ വിളകൾ ഉണങ്ങുന്നത് തടയാൻ പകൽ മുഴുവൻ തുടർച്ചയായി ത്രീഫേസ് വൈദ്യുതി നൽകണമെന്ന ഉദ്യോഗസ്ഥരോട് ആവശ്യപ്പെട്ടു. സംഭവം വിവാദമായതോടെ വനംവകുപ്പ് ഉദ്യോഗസ്ഥർ സ്ഥലത്തെത്തി മുതലയെ അൽമാട്ടി നദിയിലേക്ക് തുറന്നുവിട്ടു.
ഈ വർഷം വരൾച്ച കാരണം സംസ്ഥാനത്ത് ഒക്ടോബറിൽ ഉപഭോഗം 10,000 മെഗാവാട്ടിൽ നിന്ന് 16,000 മെഗാവാട്ടായി ഉയർന്നതായി കർണാടക മുഖ്യമന്ത്രി സിദ്ധരാമയ്യ കഴിഞ്ഞ ആഴ്ച പറഞ്ഞിരുന്നു.
സംസ്ഥാനത്ത് വൈദ്യുതി പ്രതിസന്ധിയുണ്ടെന്ന് സമ്മതിച്ച മുഖ്യമന്ത്രി സിദ്ദരാമയ്യ, അടുത്തിടെ ഉദ്യോഗസ്ഥരുമായി നടത്തിയ ചർച്ചയിൽ കർഷകർക്ക് തുടർച്ചയായി അഞ്ച് മണിക്കൂർ ത്രീഫേസ് വൈദ്യുതി കണക്ഷൻ നൽകണമെന്ന് നിർദേശിച്ചിരുന്നു. വൈദ്യുതി ലഭ്യതയുള്ളിടത്തെല്ലാം സംസ്ഥാനത്തിന് പുറത്ത് നിന്ന് വൈദ്യുതി വാങ്ങാനും സംസ്ഥാനത്തെ പഞ്ചസാര ഫാക്ടറികളിലെ കോജനറേഷനിൽ നിന്ന് വൈദ്യുതി വാങ്ങാനും ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും സിദ്ധരാമയ്യ പറഞ്ഞിരുന്നു. കർഷകർക്ക് ലോഡ് ഷെഡ്ഡിംഗ് ഇല്ലെന്ന് ഉറപ്പാക്കാൻ സാധ്യമായ എല്ലാ ശ്രമങ്ങളും നടത്തുന്നുണ്ടെന്നും അദ്ദേഹം വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
