ബെംഗളൂരു: കനകപുരയിൽ താമസിക്കുന്നവർ അവരുടെ കൃഷിഭൂമി ആർക്കും വിൽക്കരുതെന്ന് കർണാടക ഉപമുഖ്യമന്ത്രി ഡി. കെ. ശിവകുമാർ. കനകപുരയിൽ വികസന പ്രവർത്തനങ്ങൾ പുരോഗമിക്കുകയാണെന്നും ഭൂമിവില സാധാരണയെക്കാൾ അധികമായി ഉയരുമെന്നും അദ്ദേഹം പറഞ്ഞു.
കനകപുര നിലവിൽ രാമനഗര ജില്ലയുടെ ഭാഗമാണ്. ഡി.കെ. ശിവകുമാറിന്റെ മണ്ഡലമാണ് കനകപുര. ഈ മണ്ഡലത്തിലെ കുറെ ഭാഗങ്ങൾ ബെംഗളൂരു ജില്ലയുടെ ഭാഗമായി മാറ്റുമെന്ന് ശിവകുമാർ പറഞ്ഞു. ഭാവിയിൽ കനകപുരയിലെ ഗ്രാമങ്ങൾ ബെംഗളൂരുവിനോട് ചേർക്കപ്പെടുമെന്ന് അദ്ദേഹം പറഞ്ഞു.
അതേസമയം ഡി.കെ.യുടെ പ്രസ്താവനയ്ക്കെതിരെ ജെഡിഎസ് നേതാവ് എച്ച്.ഡി. കുമാരസ്വാമി രംഗത്തെത്തിയിട്ടുണ്ട്. രാമനഗര ജില്ലയിലെ ചന്നപട്ടണ അസംബ്ലി മണ്ഡലത്തിൽ നിന്നാണ് കുമാരസ്വാമി തിരഞ്ഞെടുക്കപ്പെട്ടിട്ടുള്ളത്.
ഈ ജില്ലയിലെ നാല് മണ്ഡലങ്ങളിലും ജെഡിഎസ്സിന് ശക്തമായ സാന്നിധ്യമുണ്ട്. കൂടാതെ വൊക്കലിഗ വിഭാഗക്കാരനെന്ന നിലയിലുള്ള സ്വാധീനവുമുണ്ട്. ഡി.കെ. ശിവകുമാറും വൊക്കലിഗക്കാരനാണ്.
ബിനാമി പേരുകളിൽ ഡി.കെ. ശിവകുമാറും അദ്ദേഹത്തിന്റെ കൂട്ടാളികളും വാങ്ങിക്കൂട്ടിയ ഭൂമി മുഴുവൻ ക്രമപ്പെടുത്താനുള്ള തന്ത്രമാണ് ഇപ്പോൾ പ്രയോഗിച്ചു കൊണ്ടിരിക്കുന്നതെന്ന് കുമാരസ്വാമി ആരോപിച്ചു. കനകപുര രാമനഗര ജില്ലയുടെ ഭാഗമായിരുന്നില്ലെന്ന ഡികെയുടെ പ്രസ്താവനയെയും അദ്ദേഹം വിമർശിച്ചു. രാമനഗര ജില്ലയിലെ ജനങ്ങളെ ഡി.കെ. ശിവകുമാർ വഞ്ചിക്കുകയാണെന്നും അദ്ദേഹം ആരോപിച്ചു.
ബെംഗളൂരുവിൽ നിന്ന് 52 കിലോമീറ്റർ ദൂരമുണ്ട് കനകപുരയിലേക്ക്. രാമനഗരയിൽ നിന്ന് വെറും 25 കിലോമീറ്റർ ദൂരമേ കനകപുരയിലേക്കുള്ളൂ. ഏതാണ് അടുത്ത് എന്നും കുമാരസ്വാമി ചോദിച്ചു. കനകപുരയിലെ ജനങ്ങൾ തങ്ങളുടെ കാര്യങ്ങൾ ചെയ്തുകിട്ടാൻ ഇനി കൂടുതൽ ദൂരം സഞ്ചരിക്കേണ്ടി വരും എന്നത് മാത്രമായിരിക്കും ഈ മാറ്റത്തിന്റെ ഫലമെന്നും കുമാരസ്വാമി കൂട്ടിച്ചേർത്തു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.