വരൾച്ച ദുരിതാശ്വാസത്തിനായി കേന്ദ്രം ഇതുവരെ ഫണ്ട് അനുവദിച്ചിട്ടില്ലെന്ന് സിദ്ധരാമയ്യ
ബെംഗളൂരു: സംസ്ഥാന സർക്കാരിന്റെ വരൾച്ച ദുരിതാശ്വാസ പ്രവർത്തനങ്ങളെ കേന്ദ്രസർക്കാർ പിന്തുണയ്ക്കുന്നില്ലെന്ന് കർണാടക മുഖ്യമന്ത്രി സിദ്ധരാമയ്യ. വരൾച്ച രൂക്ഷമായ സംസ്ഥാനത്തിന് ഇതുവരെ ഒരു രൂപ പോലും ദുരിതാശ്വാസ ഫണ്ട് ഇനത്തിൽ കേന്ദ്രം അനുവദിച്ചിട്ടില്ലെന്നും സിദ്ധരാമയ്യ പറഞ്ഞു.
കടുത്ത വരൾച്ചയുടെ പിടിയിലാണ് കർണാടക. ഭൂരിഭാഗം താലൂക്കുകളും വരൾച്ചബാധിതമായി സർക്കാർ പ്രഖ്യാപിച്ചിട്ടുണ്ട്. ഇതിനോടകം സംസ്ഥാന സർക്കാർ വരൾച്ച ദുരിതാശ്വാസ പ്രവർത്തനങ്ങൾ ആരംഭിച്ചിട്ടുമുണ്ട്. മൃഗങ്ങൾക്ക് കുടിവെള്ളവും തീറ്റയും നൽകുന്നതിനും സർക്കാർ ശ്രദ്ധ കേന്ദ്രീകരിക്കുന്നുണ്ട്.
നിലവിൽ കുടിവെള്ള പദ്ധതികൾക്ക് പണത്തിന് ക്ഷാമമില്ല. സമാനമായി കാലിത്തീറ്റ ക്ഷാമവും ഇതുവരെ ഉണ്ടായിട്ടില്ല. എന്നാൽ വരൾച്ച ദുരിതാശ്വാസ പ്രവർത്തനങ്ങൾക്ക് മതിയായ ഫണ്ട് സംസ്ഥാനത്ത് ലഭ്യമല്ല. സംസ്ഥാനത്തെ വരൾച്ച സാഹചര്യം പഠിക്കാൻ കഴിഞ്ഞ മാസം കേന്ദ്രസംഘം കർണാടക സന്ദർശിച്ചിരുന്നു. എന്നാൽ ഇതുവരെ ഇക്കാര്യത്തിൽ തുടർ നടപടികൾ ഉണ്ടായിട്ടില്ലെന്ന് മുഖ്യമന്ത്രി ആരോപിച്ചു.
കേന്ദ്ര പദ്ധതിയായ എം‌എൻ‌ആർ‌ഇ‌ജി‌എയ്ക്ക് കീഴിൽ ഉറപ്പുനൽകുന്ന തൊഴിലവസരങ്ങളുടെ ഏറ്റവും കുറഞ്ഞ ദിവസങ്ങളുടെ എണ്ണം 150 ആയി നീട്ടാൻ സംസ്ഥാന സർക്കാർ തീരുമാനമെടുത്തിട്ടുണ്ട്. എന്നാൽ, കേന്ദ്രം സഹായിക്കാതെ പദ്ധതി മുമ്പോട്ട് കൊണ്ടുപോകാൻ സാധിക്കില്ല. സംസ്ഥാനത്തിന്റെ സുസ്ഥിരമായ നടത്തിപ്പിന് കേന്ദ്രത്തിന്റെ സഹായം അത്യാവശ്യമാണെന്നും ഇത് സംബന്ധിച്ച് കേന്ദ്രത്തിന് ഉടൻ കത്ത് അയക്കുമെന്നും സിദ്ധരാമയ്യ വ്യക്തമാക്കി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.