Follow the News Bengaluru channel on WhatsApp

ടാങ്കർ ജല വിതരണം; ബെംഗളൂരുവിൽ ആവശ്യക്കാർ വർധിക്കുന്നു

ബെംഗളൂരു: നഗരത്തിൽ ടാങ്കർ ജല വിതരണത്തിന് ആവശ്യക്കാർ വർധിക്കുന്നതായി ഉപമുഖ്യമന്ത്രി ഡി. കെ. ശിവകുമാർ. നഗരത്തിലേക്ക് 20 ശതമാനത്തോളം വെള്ളം ടാങ്കറുകളിൽ നിന്നാണ് ലഭിക്കുന്നതെന്ന് അദ്ദേഹം പറഞ്ഞു. സംസ്ഥാനത്ത് വർദ്ധിച്ചുവരുന്ന ജലക്ഷാമത്തിൻ്റെ ആശങ്കയാണ് ഇത് ഉയർത്തുന്നതെന്നും അദ്ദേഹം പറഞ്ഞു.

ജയനഗറിലെ ഏതാനും ചേരികളിൽ കാവേരി ജലം വിതരണം ചെയ്യാത്തതിനെക്കുറിച്ചുള്ള എംഎൽഎ സി കെ രാമമൂർത്തിയുടെ ചോദ്യത്തിന് മറുപടിയായാണ് ബെംഗളൂരു വികസന മന്ത്രി കൂടിയായ ശിവകുമാർ നിയമസഭയിൽ ചോദ്യോത്തര വേളയിൽ ഇക്കാര്യം പറഞ്ഞത്. അയ്യായിരത്തിലധികം വീടുകൾ അവരുടെ ജല ആവശ്യത്തിന് കുഴൽക്കിണറുകളെ ആശ്രയിക്കുന്നുണ്ടെന്നും അദ്ദേഹം പറഞ്ഞു.

2017 മുതൽ ബെംഗളൂരു  വാട്ടർ സപ്ലൈ ആൻഡ് മലിനജല ബോർഡ് (ബിഡബ്ല്യൂഎസ്എസ്ബി) നഗരത്തിലെ 103 പ്രദേശങ്ങളിൽ പ്രതിമാസം 10,000 ലിറ്റർ വെള്ളം വിതരണം ചെയ്യുന്നുണ്ട്. നഗരത്തിൽ കാവേരി ജലവിതരണത്തിൻ്റെ വിസ്തീർണ്ണം വർധിപ്പിക്കുന്നതും ജലനിരക്ക് പരിഷ്കരിക്കുന്നതുൾപ്പെടെയുള്ള പ്രശ്‌നങ്ങളും സർക്കാർ പരിഗണനയിലാണ്. 2013 മുതൽ, വൈദ്യുതി ബില്ലുകളും മറ്റ് ചെലവുകളും വർദ്ധിപ്പിച്ചിട്ടും ജലനിരക്ക് വർദ്ധിപ്പിക്കാൻ സാധിച്ചിട്ടില്ല. നിരക്ക് പരിഷ്കരണത്തിലെ കാലതാമസം ഉടൻ പരിഹരിക്കുമെന്നും ശിവകുമാർ വിശദീകരിച്ചു.

ബെംഗളൂരുവിലെ പുതിയ പ്രദേശങ്ങളിലേക്കും കുടിവെള്ളം വിതരണം ചെയ്യുന്നതിൽ കാലതാമസമുണ്ടെന്ന് അദ്ദേഹം പറഞ്ഞു. ടാങ്കറുകളിൽ വെള്ളമെത്തിക്കുന്നുണ്ടെങ്കിലും ബിഡബ്ല്യുഎസ്എസ്ബി വിതരണം ചെയ്യുന്നത് കാവേരി ജലമാണെന്ന് ഉപമുഖ്യമന്ത്രി ശിവകുമാർ പറഞ്ഞു.

ടാങ്കറുകൾക്ക് കാവേരി വെള്ളം ലഭിക്കുന്നില്ല. കുഴൽക്കിണറുകളിൽ നിന്ന് എടുത്ത് ടാങ്കുകളിൽ നിറച്ച് വിൽക്കുന്നവയാണിത്. പ്രശ്‌നത്തിന് പ്രധാന പരിഹാരം മേക്കേദാട്ടു പദ്ധതിയാണ്. തമിഴ്‌നാടിനോട് ചേർന്ന് കാവേരി നദിയിൽ അണക്കെട്ട് നിർമ്മിക്കാനുള്ള മേക്കേദാട്ടു അണക്കെട്ട് പദ്ധതി വർഷങ്ങളായി ഇരു സംസ്ഥാനങ്ങളും തമ്മിലുള്ള തർക്കവിഷയമാണ്. ഇത്തവണ ഇത് പരിഹരിക്കുകയാണ് സർക്കാരിന്റെ പ്രധാന ലക്ഷ്യമെന്നും അദ്ദേഹം കൂട്ടിച്ചേർത്തു.


ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩

വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444

മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇

DOWNLOAD GOOGLE TEXT-TO-SPEECH



ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.

ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം



Leave A Reply

Your email address will not be published.