ജലക്ഷാമം രൂക്ഷം; ബെംഗളൂരുവിലെ ഐടി കമ്പനികൾക്ക് സഹായം വാഗ്ദാനം ചെയ്ത് കേരളം
ബെംഗളൂരു: കർണാടകയിൽ ജലക്ഷാമം രൂക്ഷമായതോടെ ബെംഗളൂരുവിലെ ഐടി കമ്പനികൾക്ക് സഹായം വാഗ്ദാനം ചെയ്ത് കേരള സർക്കാർ. കേരളത്തിലെ ഓഫീസ് സൗകര്യങ്ങൾ കമ്പനികൾക്ക് ആവശ്യമെങ്കിൽ ഉപയോഗിക്കാമെന്ന് സർക്കാർ അറിയിച്ചു.
കമ്പനികളുടെ വിപുലീകരണത്തിനായി സംസ്ഥാനത്തെ പരിഗണിക്കണമെന്നും കേരള സർക്കാർ കമ്പനികളോട് അഭ്യർത്ഥിച്ചു. ബെംഗളൂരുവിലെ ജലപ്രതിസന്ധിയെക്കുറിച്ചുള്ള റിപ്പോർട്ടുകൾ പുറത്തുവന്ന ശേഷം, ഐടി കമ്പനികൾക്ക് എല്ലാ സൗകര്യങ്ങളും, വെള്ളവും വാഗ്ദാനം ചെയ്തുകൊണ്ട് കത്തെഴുതിയതായി വ്യവസായ മന്ത്രി പി രാജീവ് പറഞ്ഞു.
കേരളത്തിൽ ചെറുതും വലുതുമായ 44 നദികളുണ്ട്. അതിനാൽ വെള്ളം ഒരു പ്രശ്നമല്ല. വേനൽക്കാലം ആരംഭിച്ചതോടെ, ബെംഗളൂരുവിൽ പ്രതിദിനം ഏകദേശം 500 ദശലക്ഷം ലിറ്ററിന്റെ ജലക്ഷാമം നേരിടേണ്ടിവരുന്നുണ്ട്.
നിലവിൽ പ്രസ്റ്റീജ് ഗ്രൂപ്പ് കൊച്ചിയിൽ 8.5 ലക്ഷം ചതുരശ്ര അടി വിസ്തീർണത്തിൽ ഒരു ടെക് പാർക്ക് നിർമ്മിച്ചിട്ടുണ്ട്. ബ്രിഗേഡ് ഗ്രൂപ്പ് തിരുവനന്തപുരത്ത് സമാനമായ പാർക്ക് നിർമ്മിക്കുന്നുമുണ്ട്. കൊച്ചിയിലെ ഇൻഫോപാർക്കിന് വിപുലമായ സൗകര്യങ്ങളുണ്ട്. സ്വകാര്യ ഡെവലപ്പർമാരുടെ ബ്രിഗേഡ്, കാർണിവൽ, ലുലു ഗ്രൂപ്പ്, ഏഷ്യ സൈബർ പാർക്ക് എന്നിവയും നിലവിലുണ്ട്. നല്ല റോഡ്, റെയിൽ, തുറമുഖ കണക്റ്റിവിറ്റിക്ക് പുറമെ നാല് അന്താരാഷ്ട്ര വിമാനത്താവളങ്ങളും സംസ്ഥാനത്തിനുണ്ടെന്ന് മന്ത്രി പറഞ്ഞു.
നിക്ഷേപങ്ങൾക്കായുള്ള സംസ്ഥാനത്തിന്റെ അഭ്യർത്ഥന പിന്തുടരാനും തുടർ ചർച്ചകൾക്കുമായും സർക്കാർ പ്രത്യേക ടീമിനെ രൂപീകരിച്ചിട്ടുണ്ടെന്ന് മന്ത്രി രാജീവ് അറിയിച്ചു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
