ഗുണ്ടാ തലവനും മുന് എംഎല്എയുമായ മുക്താര് അന്സാരി ജയിലില് വെച്ച് മരിച്ചു; യുപിയില് നിരോധനാജ്ഞ, കര്ശന സുരക്ഷ
ന്യൂഡല്ഹി: ഗുണ്ടാ തലവനും സമാജ് വാദി പാര്ട്ടി മുന് എംഎല്എയുമായ മുക്താര് അന്സാരി അന്തരിച്ചു. ബാന്ദ ജയിലിലായിരുന്ന അന്സാരിയെ ഹൃദയാഘാതത്തെ തുടര്ന്നാണ് ആശുപത്രിയില് പ്രവേശിപ്പിച്ചത്. തുടര്ന്നായിരന്നു മരണം. വ്യാഴാഴ്ച രാത്രി 8.35 ഓടെയായിരുന്നു അന്സാരിയുടെ മരണമെന്നാണ് ജയില് അധികൃതര് അറിയിച്ചത്. ബോധമില്ലാത്ത നിലയിലാണ് അന്സാരിയെ ആശുപത്രിയില് എത്തിച്ചതെന്നും തുടര്ന്ന് ഹൃദയാഘാതമുണ്ടാകുകയും മരിക്കുകയുമായിരുന്നുവെന്ന് ആശുപത്രി അധികൃതര് അറിയിച്ചു. അന്സാരിയുടെ മരണത്തിന് പിന്നാലെ ഉത്തര് പ്രദേശില് സുരക്ഷ കര്ശനമാക്കി പോലീസ്. സംസ്ഥാനത്ത് നിരോധനാജ്ഞ പ്രഖ്യാപിച്ചു. മുഖ്താര് അന്സാരിയുടെ മൃതദേഹം പോസ്റ്റ്മോര്ട്ടത്തിനായി ബാന്ദ മെഡിക്കല് കോളേജിലേക്ക് മാറ്റി. പോസ്റ്റ് മോര്ട്ടം നടപടികള്ക്ക് ശേഷം മൃതദേഹം ഇന്ന് ബന്ധുക്കള്ക്ക് വിട്ടുനല്കും.
അന്സാരിയുടേത് കൊലപാതകമാണെന്ന് ആരോപിച്ച് കുടുംബവും അഭിഭാഷകനും രംഗത്തെത്തിയിട്ടുണ്ട്. അന്സാരിയെ ഭക്ഷണത്തില് സ്ലോ പോയിസന് കലര്ത്തി നല്കിയാണ് കൊലപ്പെടുത്തിയതെന്ന് മകന് ഉമര് അന്സാരി ആരോപിച്ചു.
63 വയസുകാരനായ മുഖ്താര് അന്സാരിയുടെ പേരില് 61 ക്രിമിനല് കേസുകളാണുള്ളത്. ഇതില് 15 എണ്ണവും കൊലക്കുറ്റമാണ്. വ്യാജ തോക്ക് ലൈസന്സ് കേസില് ഈ മാസമാണ് മുക്താര് അന്സാരിയെ വാരാണസി കോടതി ശിക്ഷിച്ചത്. ഉത്തര്പ്രദേശ് പോലീസ് കഴിഞ്ഞ വര്ഷം പുറത്തിറക്കിയ 66 ഗുണ്ടാത്തലവന്മാരുടെ ലിസ്റ്റില് 66കാരനായ മുഖ്താര് അന്സാരിയുടെ പേരുണ്ട്.
കോണ്ഗ്രസ് നേതാവിനെ അടക്കം കൊലപ്പെടുത്തിയ കേസിലെ പ്രതിയാണ് മുഖ്താര് അന്സാരി. രണ്ട് തവണ ബഹുജന് സമാജ് വാദി പാര്ട്ടിയുടെ ബാനറിലും മൂന്ന് തവണ സുഹല്ദേവ് ഭാരതീയ സമാജ് പാര്ട്ടിയുടെ ബാനറിലുമായിരുന്നു അദ്ദേഹം എംഎല്എ ആയത്. 2014-ല് വാരാണസിയില് നിന്ന് ലോക്സഭയിലേക്കും മത്സരിച്ചെങ്കിലും പരാജയപ്പെട്ടു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.