അറ്റകുറ്റപ്പണി; ഹെബ്ബാൾ മേൽപ്പാലത്തിൽ നാളെ മുതൽ ഗതാഗത നിയന്ത്രണം

ബെംഗളൂരു: ഹെബ്ബാൾ മേൽപ്പാലത്തിന് സമീപം രണ്ട് പുതിയ പാതകൾ നിർമ്മിക്കുന്നതിനാൽ നാളെ മുതൽ മേൽപ്പാലത്തിനു സമീപം ഗതാഗത നിയന്ത്രണം ഏർപ്പെടുത്തുമെന്ന് ബെംഗളൂരു സിറ്റി ട്രാഫിക് പോലീസ് അറിയിച്ചു. ഹെബ്ബാൾ മേൽപ്പാലത്തിലെ കെആർ പുരം അപ് റാംപ് ഇരുചക്രവാഹനങ്ങൾ ഒഴികെയുള്ള എല്ലാ വാഹനഗതാഗതത്തിനും അടച്ചിടുമെന്ന് പോലീസ് കമ്മീഷണർ വ്യക്തമാക്കി.

നാഗവരയിൽ നിന്ന് (ഒആർആർ) മേഖ്രി സർക്കിൾ വഴി നഗരത്തിലേക്ക് പോകുന്ന യാത്രക്കാർ ഫ്ലൈ ഓവറിന് താഴെ ഹെബ്ബാൾ സർക്കിളിലേക്ക് നിന്ന് കൊടിഗെഹള്ളിയിലേക്ക് പ്രവേശിക്കണം. സർവീസ് റോഡിൽ എത്തുന്നതിന് യു-ടേൺ എടുത്ത് പോകണം.

കെആർ പുരം ഭാഗത്തുനിന്ന് നഗരത്തിലേക്കുള്ള യാത്രക്കാർ ഐഒസി-മുകുന്ദ തിയേറ്റർ റോഡ്, ലിംഗരാജപുരം ഫ്‌ളൈഓവർ റൂട്ട്, നാഗവാര-ടാനറി റോഡ് എന്നിവ വഴി പോകണം. ഹെഗ്‌ഡെനഗർ-തനിസാന്ദ്രയിൽ നിന്നും വരുന്ന യാത്രക്കാർക്ക് നഗരത്തിലേക്ക് പ്രവേശിക്കാൻ ജികെവികെ – ജക്കൂർ റോഡ് ഉപയോഗിക്കാം.

കെആർ പുരത്ത് നിന്ന് യശ്വന്ത്പുരത്തേക്കുള്ള യാത്രക്കാർ ബിഇഎൽ സർക്കിളിൽ നിന്ന് ഇടത് തിരിഞ്ഞ് സദാശിവനഗർ പിഎസ് ജംഗ്ഷൻ വഴി കടന്നുപോകാം.

കെആർ പുരം, ഹെന്നൂർ, എച്ച്ആർബിആർ ലേഔട്ട്, ബാനസവാടി, കെജി ഹള്ളി, പരിസര പ്രദേശങ്ങൾ എന്നിവിടങ്ങളിൽ നിന്ന് ബെംഗളൂരു വിമാനത്താവളത്തിലേക്ക് യാത്ര ചെയ്യുന്നവർ ഹെന്നൂർ-ബാഗലൂർ റോഡ് ഉപയോഗിക്കണമെന്ന് ട്രാഫിക് പോലീസ് നിർദേശിച്ചു.

The post അറ്റകുറ്റപ്പണി; ഹെബ്ബാൾ മേൽപ്പാലത്തിൽ നാളെ മുതൽ ഗതാഗത നിയന്ത്രണം appeared first on News Bengaluru.