ബെംഗളൂരു: ഇന്ത്യൻ പ്രീമിയർ ലീഗ് (ഐപിഎൽ) മത്സരം ചിന്നസ്വാമി സ്റ്റേഡിയത്തിൽ നടക്കുന്നതിന്റെ പശ്ചാത്തലത്തിൽ നഗരത്തിൽ ഇന്ന് പാർക്കിംഗ് നിയന്ത്രണം ഏർപ്പെടുത്തിയതായി സിറ്റി പോലീസ് അറിയിച്ചു.
വൈകിട്ട് 3 മുതൽ രാത്രി 11 വരെ വരെയാണ് നിയന്ത്രണം. രാത്രി 7.30 ന് ആർസിബിയും ലക്ക്നൗവും തമ്മിലാണ് മത്സരം. ക്വീൻസ് റോഡ്, എംജി റോഡ്, എംജി റോഡ് മുതൽ കബ്ബൺ റോഡ്, രാജ്ഭവൻ റോഡ്, സെൻട്രൽ സ്ട്രീറ്റ് റോഡ്, കബ്ബൺ റോഡ്, സെൻ്റ് മാർക്‌സ് റോഡ്, മ്യൂസിയം റോഡ്, കസ്തൂർബ റോഡ്, അംബേദ്കർ വീഥി റോഡ്, ട്രിനിറ്റി ജംക്‌ഷൻ, ലാവെല്ലെ റോഡ്, വിട്ടൽ മല്യ റോഡ്, കിംഗ്സ് റോഡ്, നൃപതുംഗ റോഡ് എന്നിവിടങ്ങളിൽ പാർക്കിങ് അനുവദിക്കില്ല.
യുബി സിറ്റിയിലെ സെൻ്റ് ജോസഫ്സ് ഇന്ത്യൻ ഹൈസ്‌കൂൾ ഗ്രൗണ്ട്, ശിവാജിനഗറിലെ ബിഎംടിസിയുടെ (ടിടിഎംസി) കെട്ടിടം, പഴയ കെജിഐഡി ബിൽഡിംഗ്, കിംഗ്സ് റോഡ് (കബ്ബൺ പാർക്കിനുള്ളിൽ) എന്നിവിടങ്ങളിൽ വാഹനങ്ങൾ പാർക്ക് ചെയ്യാമെന്ന് പോലീസ് അറിയിച്ചു.
The post ഐപിഎൽ മത്സരം; ബെംഗളൂരുവിൽ ഇന്ന് പാർക്കിംഗ് നിയന്ത്രണം appeared first on News Bengaluru.
