ഐപിഎല്ലിൽ ചെന്നൈ സൂപ്പർ കിങ്സിനെതിരേ വിജയവുമായി ലഖ്നൗ സൂപ്പർ ജയന്റ്സ്. ചെന്നൈ ഉയർത്തിയ 177 റൺസ് വിജയലക്ഷ്യം പിന്തുടർന്ന ലഖ്നൗ ക്യാപ്റ്റൻ കെ.എൽ രാഹുലിന്റെയും ക്വിന്റൺ ഡിക്കോക്കിന്റെയും അർധ സെഞ്ചുറി മികവിൽ 19 ഓവറിൽ രണ്ടു വിക്കറ്റ് മാത്രം നഷ്ടത്തിൽ ലക്ഷ്യം കണ്ടു.
ഓപ്പണിങ് വിക്കറ്റിൽ രാഹുൽ – ഡിക്കോക്ക് സഖ്യം 134 റൺസ് എടുത്തപ്പിൽ തന്നെ ലഖ്നൗ കളി പകുതി ജയിച്ചിരുന്നു. 53 പന്തിൽ നിന്ന് മൂന്ന് സിക്സും ഒമ്പത് ഫോറുമടക്കം 82 റൺസെടുത്ത രാഹുലാണ് ടീമിന്റെ ടോപ് സ്കോറർ. 43 പന്തുകൾ നേരിട്ട ഡിക്കോക്ക് ഒരു സിക്സും അഞ്ച് ഫോറുമടക്കം 54 റൺസെടുത്തു.
ഇരുവരും പുറത്തായ ശേഷം നിക്കോളസ് പുരനും (23), മാർക്കസ് സ്റ്റോയ്നിസും (8) ചേർന്ന് കൂടുതൽ നഷ്ടങ്ങളില്ലാതെ ടീമിനെ വിജയത്തിലെത്തിച്ചു. നേരത്തേ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ചെന്നൈ 20 ഓവറിൽ ആറു വിക്കറ്റ് നഷ്ടത്തിലാണ് 176 റൺസെടുത്തത്. 40 പന്തിൽ നിന്ന് ഒരു സിക്സും അഞ്ച് ഫോറുമടക്കം 57 റൺസെടുത്ത രവീന്ദ്ര ജഡേജയാണ് ചെന്നൈയുടെ ടോപ് സ്കോറർ.
അവസാന ഓവറുകളിൽ വെടിക്കെട്ട് പ്രകടനം നടത്തിയ എം.എസ് ധോണിയാണ് ചെന്നൈ സ്കോർ 176-ൽ എത്തിച്ചത്. വെറും ഒമ്പത് പന്തുകൾ നേരിട്ട ധോനി രണ്ട് സിക്സും മൂന്ന് ഫോറുമടക്കം 28 റൺസോടെ പുറത്താകാതെ നിന്നു.രചിൻ രവീന്ദ്ര (0), ക്യാപ്റ്റൻ ഋതുരാജ് ഗെയ്ക്വാദ് (17), ശിവം ദുബെ (3), സമീർ റിസ്വി (1) എന്നിവരാണ് പുറത്തായ മറ്റ് താരങ്ങൾ.
The post ഐപിഎൽ 2024; ചെന്നൈക്കെതിരേ ജയവുമായി ലഖ്നൗ appeared first on News Bengaluru.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
