ബെംഗളൂരു: കോലാറിൽ കാറിൽ നിന്നും വൻ സ്ഫോടക ശേഖരം പിടികൂടി. ജില്ലയിലെ കർണാടക-ആന്ധ്രാപ്രദേശ് അതിർത്തിയിലെ ചെക്ക് പോസ്റ്റിൽ നടത്തിയ പരിശോധനയിലാണ് സ്വകാര്യ വ്യക്തിയുടെ കാറിൽ നിന്നും സ്ഫോടക വസ്തുക്കൾ പിടികൂടിയത്.
1200 ജലാറ്റിൻ സ്റ്റിക്കുകൾ, 7 പെട്ടി ഡിറ്റണേറ്റർ വയർ, 6 ഡിറ്റണേറ്ററുകൾ എന്നിവ കണ്ടെടുത്തു. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്. ഇയാളുടെ സുഹൃത്തും സഹായിയുമായ മറ്റൊരാൾ പോലീസിനെ കണ്ട് പരിശോധന സ്ഥലത്ത് നിന്ന് ഓടി രക്ഷപ്പെട്ടു. ഇരുവർക്കും മാർച്ച്‌ ഒന്നിന് ബെംഗളൂരുവിൽ നടന്ന രാമേശ്വരം കഫെ ബോംബ് സ്‌ഫോടനവുമായി ബന്ധമുണ്ടോയെന്ന് പരിശോധിച്ച് വരികയാണ്.
The post കാറിൽ നിന്നും വൻ സ്ഫോടക ശേഖരം പിടികൂടി appeared first on News Bengaluru.
Powered by WPeMatico
