ബെംഗളൂരു: സംസ്ഥാനത്ത് അടുത്ത മൂന്ന് ദിവസങ്ങളിൽ കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ഏപ്രിൽ 19 മുതൽ 21 വരെ തീരദേശ കർണാടകയിലും ഉൾപ്രദേശങ്ങളിലും ഇടിമിന്നലോട് കൂടിയ മഴയ്ക്ക് സാധ്യതയുണ്ട്. ബെംഗളൂരുവിൽ രണ്ട് ദിവസങ്ങളിൽ നേരിയ മഴയ്ക്കാണ് സാധ്യത. കഴിഞ്ഞ 148 ദിവസമായി ബെംഗളൂരുവിൽ മഴ ലഭിച്ചിട്ടില്ല.
അടുത്ത 48 മണിക്കൂറിനുള്ളിൽ നഗരത്തിൽ ചെറിയ മഴ ലഭിച്ചേക്കുമെന്ന് ഐഎംഡി ഉദ്യോഗസ്ഥർ പറഞ്ഞു. ദക്ഷിണ കന്നഡ, ഉഡുപ്പി, ഉത്തര കന്നഡ, ബെളഗാവി, ധാർവാഡ്, ഗദഗ്, ഹാവേരി, ബെംഗളൂരു റൂറൽ, ചാമരാജനഗർ, ചിക്കബെല്ലാപുർ, ചിക്കമഗളൂരു, ചിത്രദുർഗ, ദാവൻഗെരെ, ഹാസൻ, കുടക്, കോലാർ, മാണ്ഡ്യ, മൈസൂരു, രാമനഗര, ശിവമോഗ, തുമകുരു, വിജയനഗര ജില്ലകളിലാണ് ശക്തമായ മഴ പ്രവചിച്ചിരിക്കുന്നത്. ബാഗൽകോട്ട്, ബെളഗാവി, ബീദർ, ഗദഗ്, കലബുർഗി, കൊപ്പാൽ, റായ്ച്ചൂർ, യാദ്ഗിർ, വിജയപുര ജില്ലകളിൽ ഏപ്രിൽ 22 മുതൽ വേനൽ മഴ ലഭിച്ചേക്കും.
The post കർണാടകയിൽ മൂന്ന് ദിവസം കനത്ത മഴയ്ക്ക് സാധ്യത appeared first on News Bengaluru.
