ബെംഗളൂരു: കർണാടകയിൽ ട്രക്ക് മറിഞ്ഞ് അഞ്ച് തൊഴിലാളികൾ മരിച്ചു. ബാഗൽകോട്ട് ബിലാഗി താലൂക്കിൽ തിങ്കളാഴ്ച രാത്രിയോടെയാണ് സംഭവം. ബദർദിന്നി ഗ്രാമത്തിൽ നിന്നുള്ള യാങ്കപ്പ ശിവപ്പ തോലമാട്ടി (72), ഭാര്യ യലവ്വ (66), മകൻ പുണ്ഡലിക് (40), മകൾ നാഗവ്വ (35), ഭർത്താവ് അശോക് നിങ്കപ്പ ബമ്മണ്ണവർ (48) എന്നിവരാണ് മരിച്ചത്.
യത്നട്ടിയിൽ നിന്ന് ചെളി നിറച്ച് വരികയായിരുന്ന ട്രക്കിന്റെ ടയർ പൊട്ടി റോഡിൽ മറിയുകയായിരുന്നു. ടയർ പൊട്ടിയതിനെ തുടർന്ന് ഡ്രൈവർക്ക് നിയന്ത്രണം നഷ്‌ടപ്പെടുകയായിരുന്നുവെന്ന് ബാഗൽകോട്ട് അഡീഷണൽ പോലീസ് സൂപ്രണ്ട് പ്രസന്ന ദേശായി പറഞ്ഞു. ചെളിയിൽ കുടുങ്ങിയ മൃതദേഹങ്ങൾ നാട്ടുകാരുടെ സഹായത്തോടെയാണ് പോലീസ് പുറത്തെടുത്തത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
The post ട്രക്ക് മറിഞ്ഞ് അഞ്ച് തൊഴിലാളികൾക്ക് ദാരുണാന്ത്യം appeared first on News Bengaluru.
Powered by WPeMatico
