തിരുവനന്തപുരം: കേരളത്തിൽ ജോലി ചെയ്യുന്ന തമിഴ്നാട്ടിലേയും, കർണാടകയിലെയും വോട്ടർമാർക്ക് ശമ്പളത്തോട് കൂടിയുള്ള അവധി അനുവദിച്ച് സർക്കാർ. വോട്ടെടുപ്പ് ദിവസങ്ങളിൽ കേരളത്തിൽ താമസിക്കുന്നവർക്ക് അവരുടെ നാടുകളിൽ പോയി വോട്ട് രേഖപ്പെടുത്തി തിരിച്ചെത്താമെന്ന് കേരള സർക്കാർ അറിയിച്ചു.
ശമ്പളത്തോടുകൂടിയ അവധിയാണ് അനുവദിച്ചിരിക്കുന്നത്. ഉത്തരവ് ലംഘിക്കുന്ന സ്ഥാപനങ്ങൾക്കെതിരെ കർശന നടപടി ഉണ്ടാകുമെന്നും സർക്കാർ മുന്നറിയിപ്പ് നൽകി. തമിഴ്നാട്ടിൽ 19-നും കർണാടകയിൽ 26, മേയ് ഏഴ് തീയതികളിലുമാണ് വോട്ടെടുപ്പ്. സംസ്ഥാന പൊതുഭരണ വകുപ്പാണ് ഉത്തരവിറക്കിയത്.
The post തമിഴ്നാട്ടിലേയും, കർണാടകയിലെയും വോട്ടർമാർക്ക് ശമ്പളത്തോട് കൂടിയുള്ള അവധി appeared first on News Bengaluru.
