ഫേസ്ബുക് വഴി ഐപിഎൽ ടിക്കറ്റ് ബുക്ക് ചെയ്യാൻ ശ്രമം; യുവതിക്ക് 86000 രൂപ നഷ്ടമായി
ബെംഗളൂരു: ഐപിഎൽ ടിക്കറ്റ് ഫേസ്ബുക് വഴി ബുക്ക് ചെയ്യാൻ ശ്രമിച്ച ബെംഗളൂരു സ്വദേശിനിക്ക് നഷ്ടമായത് 86,000 രൂപ. കൊല്‍ക്കത്ത നൈറ്റ് റൈഡേഴ്‌സും റോയല്‍ ചലഞ്ചേഴ്‌സ് ബെംഗളൂരുവും തമ്മിൽ നടന്ന മത്സരത്തിന്റെ ടിക്കറ്റ് ബുക്ക് ചെയ്യാന്‍ ശ്രമിച്ച യുവതിയാണ് കബളിപ്പിക്കപ്പെട്ടത്.
ഫേസ്ബുക് സ്ക്രോൾ ചെയ്യുന്നതിനിടെ ഐപിഎൽ ക്രിക്കറ്റ് ടിക്കറ്റ് എന്ന പേരിലുള്ള അക്കൗണ്ട് ശ്രദ്ധയിൽപ്പെട്ട യുവതി 20 ടിക്കറ്റുകൾ ബുക്ക് ചെയ്യാന്‍ ശ്രമിച്ചു. പേജില്‍ കണ്ട ഫോൺ നമ്പറിൽ ഇവർ വിളിച്ചു. ഇതേതുടർന്ന് 8000 രൂപ അഡ്വാന്‍സ് അടയ്ക്കണമെന്ന് ഫോണ്‍ എടുത്തയാള്‍ ആവശ്യപ്പെട്ടു.
അക്കൗണ്ടിലേക്ക് പണം അയച്ചതോടെ 11,000 രൂപ കൂടി ആവശ്യപ്പെട്ടു. ഈ തുകയും ട്രാൻസ്ഫർ ചെയ്തതോടെ പല കാര്യങ്ങള്‍ പറഞ്ഞ് വിവിധ അക്കൗണ്ടുകള്‍ വഴി 86,265 രൂപ വാങ്ങിയെടുത്തു. വീണ്ടും 16,000 രൂപ കൂടി ആവശ്യപ്പെട്ടതോടെ ടിക്കറ്റ് നൽകാതെ ഇനി പണം അയയ്ക്കില്ലെന്ന് യുവതി തറപ്പിച്ചു പറഞ്ഞു. അങ്ങനെയെങ്കിൽ ടിക്കറ്റ് നൽകാൻ സൗകര്യപ്പെടില്ലെന്നായിരുന്നു മറുപടി. അടുത്ത ദിവസം യുവതി പോലീസിൽ പരാതി നൽകി. സംഭവത്തിൽ സിറ്റി പോലീസ് കേസെടുത്ത് അന്വേഷണം ആരംഭിച്ചു.
The post ഫേസ്ബുക് വഴി ഐപിഎൽ ടിക്കറ്റ് ബുക്ക് ചെയ്യാൻ ശ്രമം; യുവതിക്ക് 86000 രൂപ നഷ്ടമായി appeared first on News Bengaluru.
Powered by WPeMatico
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.
