ബെംഗളൂരു: മെട്രോ നിർമ്മാണ പ്രവർത്തനങ്ങൾ നടക്കുന്നതിന്റെ ഭാഗമായി ലക്കസാന്ദ്ര ഭൂഗർഭ സ്റ്റേഷന് സമീപമുള്ള ബന്നാർഘട്ട റോഡ് ഒരു വർഷത്തേക്ക് ഭാഗികമായി അടയ്ക്കാനുള്ള ബിഎംആർസിഎൽ ഉത്തരവ് താൽക്കാലികമായി നിർത്തിവെച്ചു. ബെംഗളൂരു ട്രാഫിക് പോലീസിന്റെ നിർദേശത്തെ തുടർന്നാണ് തീരുമാനം.
കഴിഞ്ഞ ദിവസമാണ് പിങ്ക് ലൈനിന്റെ നിർമാണ പ്രവൃത്തികൾ നടക്കുന്നതിനാൽ റോഡ് ഭാഗികമായി അടക്കാൻ ബിഎംആർസിഎൽ ഉത്തരവിട്ടത്. എന്നാൽ റോഡ് ഒരു വർഷത്തേക്ക് അടച്ചിടുന്നത് ശരിയല്ലെന്നും യാത്രക്കാർക്ക് ഇത് അസൗകര്യം സൃഷ്ടിക്കുമെന്നും ബെംഗളൂരു ട്രാഫിക് പോലീസ് പറഞ്ഞു.
റോഡ് അടച്ചിടാൻ ബിഎംആർസിഎൽ ഉത്തരവിനൊപ്പം ട്രാഫിക് പോലീസിന്റെ അനുമതി കൂടി ആവശ്യമാണ്‌. നിലവിൽ ഇത്തരമൊരു ഔദ്യോഗിക അറിയിപ്പ് ട്രാഫിക് പോലീസ് പുറപ്പെടുവിച്ചിട്ടില്ല. ഇക്കാരണത്താൽ റോഡ് അടച്ചിടാൻ സാധിക്കില്ലെന്ന് ട്രാഫിക് പോലീസ് കമ്മീഷണർ എം. എൻ. അനുചേത് പറഞ്ഞു.
The post ബന്നാർഘട്ട റോഡ് ഭാഗികമായി അടയ്ക്കാനുള്ള ഉത്തരവിൽ മാറ്റം appeared first on News Bengaluru.
